Inuiattut ullorsiornissami pisussat:

Aqagu inuiattut ullorsiornermi nalliuttorsiornissamut pilersaarutit piareersarneqaleruttorput,  nuna tamakkerlugu oqalugiarnerit erinarsoqatigiinnerit kaffillernerit allatullu malunnartitsinerit pisussaapput.

Sisimiuni inuiattut ullorsiorneq kommunip allaffiata eqqaaani ullaakkut qulingiluanut aallartissaaq, erfalasoq amumneqassalluni erinarsoqatigiittoqassalluni oqalugiartoqassallunilu.

Nuummi inuiattut ullorsiorneq nuuttoqqami ullaakkut arfineq pingasunut aallartissaaq qamutilittartoqassalluni borgmesterilu oqalugiassalluni.

Sisimiuni Nuummilu ulloq naallugu aliikkusersuisoqassaaq assigiinngitsunillu aaqqissuussisoqassalluni, ilaatigut qajartortoqassaaq aamma puisinik pisaqaqqaanniuttoqassalluni.

Inuiattut ullorsiornissaq Nuummi arfininngornermi unnukkut aallartinneqassaaq, tassa oqaluffimmi Hans Egedemi unnugu arfineq pingasunut qiteqquppat tusarnaartitsisoqassammat.

Kommune Kujallermi inuiattut ullorsiornerup malunnartinneqarnera ullaakkut arfineq pingaasunut aallartissaaq, tassani borgmesteri Jørgen Væver Johansen Qaqortumi kommunip allaffiata eqqaani oqalugiassamat.

Ullup ingerlanerani Qaqortumi pisoqatigiinneqassaaq aamma nipilersortartut tusaamasat tusarnaartitsissapput, taassalu Simon Lynge aamma Nivi Nielsen tusarnaartitsissammata.

Inuiattut ullorsiorneq Danmarkimi aamma nallittorsiutigineqassaaq, ilaatigut Sjællandip avannaani  Hundestedimi assigiinngitsunik aaqqissuussisoqasssaq,  oqaluffimmi Lynæs.