Cruzip Trump Iowami ajorsartippaa
USA præsidentinngorniunnermut sioqqullugu partiit sassartitassaannik Iowami ippassaq qinersisoqarmat Republikanerit sassartitaasa akornanni ajugaasoq tupaallaatigineqarpoq.
Allattoq Inge S. Rasmussen
februaarip 02-at 2016 11:41
Nutserisoq Mads Lynge
Tassami upperisamik sammisalik politikererlu qanganisalerisoq Ted Cruz, Republikanerit iluanni Tea Partymik pisagaanneersoq ajugaagami. Ajugaasussatut ilimagineqaraluartoq Donald Trump tullersortaavoq.
Kisitsisit pisortatigoortut naapertorlugit Cruz 28 procentinit taaguuneqarpoq, aningaasaatilissuarlu oqallissaarillaqqissoq Donald Trump 24 procentinit taaguunneqartoq.
Trumpip taamaasilluni senatori Floridameersoq Marco Rubio procentpointimik ataatsimik ajugaaffigeqqalaarpaa.
Demokratit sinnerlugit sassartut akornanni Hillary Clinton Bernie Sandersilu imminnut qanittuararsuupput.
Clintonili matumani ajugaaqqalaarpoq, 49,9 procentinit taaguunneqarluni, Bernie Sanders 49,5 procentinit taaguunneqartoq.
