Covid-19-imik tunillatsissimasoq Aasianni paasineqartoq
Tunillatsissimasoq naak coronaviruseraluarluni maannakkut ajunngitsoq nakorsaanerup oqaluuteqqammersimallugu KNR-imut oqaatigaa.
Nunatta Nakorsaaneqarfia politiit suleqatigalugit iliuusissat pisariaqartut aallartisarnissaat eqqarsaatigalugit suliaq maannakkut sukumiinerusumik misissorpaat.
Piffissami qaninnermi nunatsinni covid-19 pillugu inissisimaneq paasissutissiissutigineqarumaartoq Naalakkersuisut facebookimi quppernerminni ilisimatitsissutigaat.
Coronamik tunillatsissimasut peqqissisullu
Oqartussat Nunatsinni coronamik tunillatsissimasoqarunnaartoq oktobarip ulluisa 21-anni uppernarsarneqarpoq.
Nuummi inuit marluk coronamik tunillatsissimasutut oktobarip qaammataata aallartinnerani uppernarsarneqarput. Taakku mattusimasimapput, oktobarillu ulluisa 21-anni coronavirusik tunillatsissimajunnaarsimasut nalunaarutigineqarpoq.
Tunillatsittut marluk nalunaarsorneqanngikkallarmata Nuummi kingullermik apriilip ulluisa arfineq-pingajuanni tunillatsissimasoqarpoq.
Nuup avataani coronavirusimik tunillatsissimasumik kingullermik Nanortalimmi juulip ulluisa 24-anni siumuisoqarpoq.
Nunatsinni coronamik tunillatsissimasoqarunnaartoq oktobarip ulluisa 21-anni uppernarsarneqarpoq.
Nuummi inuit marluk coronamik tunillatsissimasutut oktobarip qaammataata aallartinnerani uppernarsarneqarput. Taakku mattusimasimapput, maannalu oktobarip ulluisa 21-anni coronavirusik tunillatsissimajunnaarsimasut nalunaarutigineqarpoq.
Tunillatsittut marluk nalunaarsorneqanngikkallarmata Nuummi kingullermik apriilip ulluisa arfineq-pingajuanni tunillatsissimasoqarpoq.
Nuup avataani coronavirusimik tunillatsissimasumik kingullermik Nanortalimmi juulip ulluisa 24-anni siumuisoqarpoq.
Coronavirusimik Ilulissani inummik ataatsimik Aasiannilu inummik ataatsimik tunillatsissimasoqarnikuuvoq.
Coronavirusumik Nuummi inunnik aqqanilinnik tunillatsissimasoqarnikuuvoq.
Coronavirusumik nunatsinni tunillatsissimasutut paasineqarsimasut maannamut katillutik 17-iupput.
Taakkunannga 16-it peqqisseqqissimasutut nalunaarutigineqarnikuupput.
Danmarkimi pingasunngornermi coronamik tunillatsissimasutut nalunaarsorneqarsimasutt 630-inik ilapput. Septembarip ulluisa 25-aniilli aatsaat taama amerlatigalutik.
