Coronap allannguutaata ilaata CA.5-ip tuniluunnera ernummataasariaqanngitsoq
Coronap allannguutaa taaguuteqartoq CA.5 Portugalimi maanna tuniluuttorujussuaq Danmarkimi sapaatit akunneri tulliuttut qaangiuppata tuniluunnerpaalissangatinneqarpoq.
Danskit peqqissutsimut ministeriata, Magnus Heunickip, pissutsit pillugit tallimanngornermi ullaakkut paasissutisseereersorlu, Statens Serum Institut taama nalunaaruteqarpoq.
Peqqissutsimut oqartussat oqarnerat naapertorlugu, coronap allannguutaa BA.5 coronap allanngutaanut ukioq tuniluuttunut sanilliullugu napparsimanerulersitsineq ajorpoq.
AAMMA ATUARUK Omikronip allannguutaa nutaaq aasaru tuniluunnerpaalissasoq ilimagineqartoq
Coronap allannguutaa BA.5 coronamik tunillatsissimasunut akiuussusertissimasunullu malunnaatikinnerusoq, Staten Serum institutip nalilierpaa.
- Covid 19-imik tunillatsittut sapaatit akunnerini tulliuttuni nalinginnaasumik amerlinissaat ilimanaateqartorujussuartut nalilerparput, Statens Serum Intsitutimi direktøri Tyra Grove Krause oqarpoq.
Coronap allannguutaanik nutaamik nunanit allanit tusarliunneqartartut tunngavigalugit paasissutissallu annikutsuinnaat Danmarkimi maanna ilisimaneqartut aallaavigalugit taama naliliisoqarpoq.