Assi: KNR / Foto: Anton Gundersen Lihn

Coronap ajornartoortitsinera: Air Greenland aqqutit ilaat matusariaqassapput

Coronap nunarsuaq tamakkerlugu ajornartoortitsinera pissutaalluni silaannakkut angallassineq eqqorneqarpoq, Air Greenlandillu timmisartuussisarnera aamma eqqorneqarluni.

Aqqutimmi arlallit angalasussat ikiliartornerat pissutaallutik angallassinissamut pilersaarutit naleqqussarneqartut timmisartuutileqatigiiffiup nalunaarutigaa.

Ilulissat Islandillu akornanni timmisartuussisarneq ukioq manna angalanissanut pilersaarutinit peerneqassasoq Air Greenlandimit nalunaarutigineqarpoq.

AAMMA ATUARUK Air Greenland: Aasaanerani saqisut ukioq manna amerlineqassanngillat

Kangerlussuup Københavnillu akornanni unnukkut unnuakkullu timmisartuussisarnerit pilersaarutinit aamma peerneqassapput, soorlu aamma nunatsinni timmisartuussisarnerit pisarnermit ikinnerulernissaat Air Greenlandimit naatsorsuutigineqartoq, aqqutilli suut eqqorneqassanersut timmisartuutileqatigiiffimmit tusagassiutinut nalunaarutigineqanngilaq.

Isummersuutit