Air Greenland: Aasaanerani saqisut ukioq manna amerlineqassanngillat

Tamanna Norsami aasat aappassaa saqisuusussaagaluartup uggoraa.

Coronap nunarsuarmi tamarmi ajornartorsiortitsinerani angallanneq eqqugaangaatsiarpoq. Nunatsinni aamma Air Greenlandimi sulisorpassuit tamanna aqqusaarpaat.

AAMMA ATUARUK Millionerpassuarnik annaasaqartoq: Timmisartuusseqqusaannginneq Air Greenlandimut annaasaqaataasoq

Air Greenlandimi sulisoqarnermut pisortaq, Mads Christensen taama oqarpoq.

- Qinnuteqarnikuugaluit tamarmik kalerriortortinnikuupput, ajoraluartumik aasaanerani

atorfinitsinnissaat pisariaaruttoq, uku sulisooreersut atuinnartussaagatsigit, Mads Christensen taama oqarpoq.

Tamannali aasaanerani saqisutut sulisussaagaluartup, Diana Kristensenip akisunaarpaa.

Taanna Norsami siorna aasaanerani saqisutut suleqqaarpoq. Ukiorlu manna apriilip aallaqqaataaniit suleqqinnissaminut isumaqatigiissuteqaraluarpoq.

- Pakatsinaqaaq, uggornarlunilu. Angalaqqilernissannummi qilanaarnikooqigama. Allatulli iliuuseqangaarsinnaanngilagut, utaqqisariaqarpugut, Air Greenlandip timmisartorsuani Norsami aasaanerani saqisuusussaagaluartoq, Diana Kristensen oqarpoq.

Tassalu Air Greenlandip timmisartorsuani saqisuususssjunnaarami naatsorsuutigisaminik isertitassaaruppoq.

Taamaalillunilu qaammatip uuma initaarnissaraluaminut aningaasartuutissani akilersinnaajunnaarpai.

Sulisopassuit atorfinitsinneqassanngitsut

Saqisut kisiisa atorfinitsinngitsoorneqanngillat. Air Greenlandimimmi sulisut 80-it 100-llu akornanniittut, aquttut , saaffiginnittarfinni sulisut, assartugalerisut, nassiussalerisut, mekanikerit ilaallu, coronavirus peqqutigaluu sulinngitsoortinneqartariaqarsimapput.

Tassalu maannakkut sulisuusut sulinngiffeqareeramik aasaru sulissapput, aasaaneranilu paarlattaasusaagaluartut atorfissaarupput.

- Sulisooreersut maannakkut sulinngiffeqaramik, Mads Christensen taama oqarpoq.