Coronamik tunillatsissimasutut uppernarsarneqartut 3 millionit sinneqalersut

Coronavirusimik tunillanneqarsimasut nunarsuaq tamakkerlugu aamma 3 millioninit amerlanerulerput. Ilisimatusarfiup, Johns Hopkins Universityp ataasinngornermi kisitsisaataani tamanna takuneqarsinnaavoq.

Tunillanneqarsimasut pingajorarterutaasa missaat USA-mi tunillanneqarsimapput, coronavirusimimmi tunillanneqarsimasut USA-mi 1 millionit missaanniipput.

AAMMA ATUARUK Tamaat isigalugu: Coronavirus pillugu killiffik

USA-mi inuit 30.000-it ullup ataatsip ingerlanerani tunillanneqarsimasut, sapaatip-akunnerata kingulliup ingerlanerani nalunaarutigineqarpoq.

Nunat ataasiakkaat ammaqqikkiartuaalersullu inuit 3 millionit coronavirusimik nunarsuaq tamakkerlugu tunillanneqarsimasut nalunaarutigineqarpoq.

Coronavirusimik toqquteqarsimasut nunarsuaq tamakkerlugu ataasinngornermi 208.000-inngortut Johns Hopkins Universitymit nalunaarutigineqarpoq.

/ritzau/