Nunatsinni coronavirusimik tunillatsissimasut katillugit qulingiluat napparsimmavimmi uninngapput, taakkunanngalu arfinillit COVID-19 pissutigalugu uninngasut pingasut allanik pissuteqarlutik uninngapput, nakorsaaneqarfik allappoq.Assi: Malik Brøns / KNR

Corona pillugu ullumikkut kisitsisit: Tunillatsissimasut nutaat 630-t

Nunatsinni tunillatsissimasut ullormut paasineqartut aatsaat taama amerlatigipput.

Tunillatsissimasut nutaat 630-t. Nakorsaaneqarfimmit corona pillugu kisitsisit nutaat tamanna takutippaa.

Tunillatsissimasut ullormi ataatsimi paasineqartut avaanngunartumik aatsaat taama amerlatigipput. Ullut marluk matuma siorna paasineqartut amerlanerpaagamik 524-upput.

Pingasunngornermi paasineqartut nutaat 457-iupput, taamaammat ullumikkut paasineqartut ippassarmit 173-inik amerlanerupput.

Nakorsaaneqarfiup oqarnera naapertorlugu akunnerit kingulliit 24-t ingerlaneranni 1.236-t misissorneqarput.

Tunillatsissimasut nutaat illoqarfinni ukunaniipput:

Pituffimmi qulit

Upernavimmi sisamat

Ilulissani 222-t

Qasigiannguani ataaseq

Aasianni arfineq-marluk

Sisimiuni 39-t

Kangerlussuarmi pingasut

Maniitsumi pingasut

Nuummi 329-t

Paamiuni aqqaneq-marluk

Nunatsinni coronavirusimik tunillatsissimasut katillugit qulingiluat napparsimmavimmi uninngapput, taakkunanngalu arfinillit COVID-19 pissutigalugu uninngasut pingasut allanik pissuteqarlutik uninngapput, nakorsaaneqarfik allappoq.

Omikron nunatsinnut juullinngitsiartoq annguttoq

Nakorsaanerup, Henrik L. Hansenip oqarnera naapertorlugu coronavirusip allannguutaa omikron nunatsinnut juullinngitsiartoq annguppoq, taamaalillunilu juullip ukiortaallu akornanni aaqqissuussisoqarnera ilutigalugu tunillaassuutilertorluni.

Misissuisarnermut periuseq nutaaq
 

Misissueriaaseq allanngortinneqarpoq, taamaalilluni eqimattat maluinnaat misissuisarfimmut PCR-imik misissortikkiartorsinnaalerput: 

Tassa utoqqaat inuillu uummatikkut puatigullu nappaateqartut tunillatsissimanermillu ersiuteqartut misissortikkiartorsinnaapput. Aamma inuit angerlarsimaffimminni sukkasuumik misissuutinit tunillatsissimasutut takussutisserneqartut.

Peqqisseqqittutut nalunaarutiginissaq, angerlarsimaffimmi misissornissaq kiisalu coronamik tunillatsissimaneq nuannertut nuallunnertullu kisimi misigisimanarpat napparsimmavimmut nakorsamulluunniit attaveqarani angerlarsimaffimmi mattusimaannarnissaq inuit namminneq akisussaaffiginerulerpaat.

Tamanna misissuisarfiit napparsimmaviillu malinnaasinnaajunnaarnerannik pissuteqarpoq.

Neriniartarfiit imerniartarfiillu sapaatini akunnerni marlunni tulliuttuni unnukkut quliniit ullaakkut tallimat tungaanut matoqqasassapput. 

Taamaammat tunillatsissimasut pingaartumik Nuummi Ilulissanilu januaarimi amerlangaatsiarput, nakorsaaneq, Henrik L. Hansen taama nassuiaateqarpoq.

- Aappaattut juullerlunilu ukiortaanera aamma pissutaavoq. Tassa imaappoq tuniluutianerusoq juullikkunni angalasut ilutigalugit anngunnerata nalaani juullip ukiortaallu akornanni inuiaqatigiinni aaqqissuussinerpassuarni tuniluutingaatsiarnissamut periarfissarsivoq. Tamanna maanna tuniluutingaatsiartoqarneranik kinguneqarpoq.

AAMMA ATUARUK Nakorsaaneq tunillatsissimasut amerlanerat pillugu: Omikron juullinngitsorli annguppoq

Nunatsinni tuniluunnerup siaruaannera Danmarkimi kommunini tunillatsissimasoqarnerpaanit marloriaammit pingasoriaammiillu annertuneruvoq.

Nakorsaanerli neriulluarpoq.

Naak omikron tuniluutiangaatsiaraluartoq covid-19-imut akiuussutissaq napparsimarululinnginnissamut illersuutaavoq.

- Omikron napparsimarululersitsinnginnerusartoq nalunngilarput. Aamma akiuussutissaq napparsimarululinnginnissamut illersuutaasoq nalunngilarput, Henrik L. Hansen oqarpoq.

Nunatsinni coronavirusi pillugu
killiffik

Tunillatseqqasut ...  
Ullumi tunillatsittut 788  
Siullermik kapitissimasut 72%  
Aappassaa kapitissimasut 67%  
Tunillanneqarsimasut 7.871  
Uninngasut 9  
Anersaartuuteqartitaasut 0  
Toqquteqartut 2  
corona.nun.gl-imi kisitsit takukkit  
   Nutarterneqarpoq: 
Januaarip 15-at 13:00
 

Coronavirusimik tunillatsinissaq pinaveersaaruk