Nakorsaaneqarfiup nunatsinni napparsimmavimmi uninngasut qassiunersut nutartersimanagit paasissutissiissutigaa.Assi: Malik Brøns / KNR

Corona pillugu ullumikkut kisitsisit: Tunillatsissimasut nutaat 310-t

Ataasinngormamit tunillatsissimasut nutaat ikinnerusut paasineqartut, taakkuli misissueriaaseq nutaaq eqqarsaatigalugu isigineqassapput.

Nakorsaaneqarfimmit corona pillugu kisitsisit nutaat paasissutissakinnerusullu saqqummiunneqarput.

Tunillatsissimasut nutaat uaniipput:

Avannaata Kommuniani 96-it

Kommune Qeqertalimmi aqqanillit

Qeqqata Kommuniani marluk

Kommune Kujallermi qulit

Komuneqarfik Sermersuumi 192-it.

Nakorsaaneqarfiup nunatsinni napparsimmavimmi uninngasut qassiunersut nutartersimanagit paasissutissiissutigaa.

Tamatuma saniatigut Sermitsiaq.ag kisitsisinik nalunaarsuinermi toqusut pingasuusut takutinneqarsimasut allaaserivaa, maannali marluinnaapput. Nalunaarsuinermi kukkusoqarpoq.

Eqqortua 2-juvoq, kisitsisit aaqqinneqarput.

Misissueriaaseq nutaat - nalunaarsorneqanngitsorpassuit

Corona pillugu kisitsisit nutaat Naalakkersuisut ataasinngornermi tusagassiortunik katersortitsinermi saqqummiussaat malillugu isigineqassapput.

Misissuisarnermut periuseq nutaaq

Misissueriaaseq allanngortinneqarpoq, taamaalilluni ikittuinnaat, tassa covid-imik tunillatsinnermi napparsimarululersinnaasut kisimik PCR-imik misissortissinnaalerlutik: 

Inuit coronamik napparsimarululersinnaasut aamma angalasussat coronapasimik atuisussat misissortissinnaapput. 

Allat sinneri angerlarsimaffimminni imminnut misissorsinnaapput aamma/ imaluunniit peqqisseqqinnissartik utaqqissavaat.

Peqqisseqqittutut nalunaarutiginissaq, angerlarsimaffimmi misissornissaq kiisalu coronamik tunillatsissimaneq nuannertut nuallunnertullu kisimi misigisimanarpat napparsimmavimmut nakorsamulluunniit attaveqarani angerlarsimaffimmi mattusimaannarnissaq inuit namminneq akisussaaffiginerulerpaat.

Tamanna misissuisarfiit napparsimmaviillu malinnaasinnaajunnaarnerannik pissuteqarpoq.

Neriniartarfiit imerniartarfiillu januaaripo ulluisa 25-ata tungaanut unnukkut quliniit ullaakkut tallimat tungaanut matoqqasassapput.

Tassa napparsimarululersinnaasut kisimik PCR-imik misissorneqarsinnaapput. Allat sinneri sukkasuumik misissuut atorlugu imminnut misissorsinnaapput aamma/ imaluunniit angerlarsimaannarlutik peqqisseqqinnissartik utaqqissavaat.

Tamanna misissuisarfiit napparsimmaviillu malinnaasinnaajunnaarnerannik pissuteqarpoq, taamaammat misissortinneq isumassaqanngilaq.

Tassa imaappoq coronamik tunillatsissimasut napparsimmavimmut nalunaarutigineqanngitsut amerlangaatsiarput.

AAMMA ATUARUK Corona pillugu ullumikkut kisitsisit: Arfininngormamit ullumikkumut tunillatsissimasut nutaat 479-it paasineqartut

Tamatuma saniatigut innuttaasut affaat sinnerlugit tunillatsissinnissaat nakorsaanerup naatsorsorpaa - amerlanerillu corona nuannertut nuallunnertullu taamaallaat misigissagaat, nalilerpaa.

- Innuttaasut affai sinnerlugit tunillatsinnissaat ilimagaara, nakorsaaneq, Henrik L. Hansen oqarpoq.

- Coronamik ersiuteqaraanni tamanna naammappoq, taava tunillatsittoqarsimassaaq. Amerlasuut piffissami sivikitsuinnarmi napparsimasarput. Napparsimarululersinnaasut ukkatariniarpagut.

Misissueriaaseq nutaaq pissutigalugu nunatsinni tamarmi tunillatsissimasut amerlassusaat saqqummiunneqartarunnaarput.

Nunatsinni coronavirusi pillugu
killiffik

Uninngasut 0  
Toqusut 21  
Siullermik kapitissimasut 73%  
Aappassaa kapitissimasut 68%  
corona.nun.gl-imi kisitsit takukkit  
  Nutarterneqarpoq: 
  Apriilip 1-aat 14:00

corona_model_001.png

Nunatsinni coronavirusi pillugu

Coronavirusimik tunillatsinissaq pinaveersaaruk