Inuit 137-t nuna tamakkerlugu maanna tunillatsissimalerput, inuillu 973-it ullup unnuallu kingulliup ingerlanerani misissortissimallutik. Inuit 155-it ippassaq tallimanngornermi tunillatsissimasutut nalunaarsorneqarsimapput.Assi: Malik Brøns / KNR

Corona pillugu ullumikkut kisitsisit: Nuummi tunillatsissimasut tallimaasut

Inuit 137-t nuna tamakkerlugu maanna tunillatsissimalerput, inuillu 973-it ullup unnuallu kingulliup ingerlanerani misissortissimallutik. Tunillatsissimasullu nutaat tallimat Nuummi paasineqarlutik.

Coronavirusimik tunillatsissimasut tallimat, ullup unnuallu ingerlanerani paasineqarput, tamarmillu Nuummi paasineqarlutik.

- Arlallit suminngaanniit tunillanneqarsimanersut ilisimanngilarput, meeqqanillu paaqqinnittarfiit ilaanni tuniluuttoqarsimalluni, nunatta nakorsaanera tusagassiutinut taama nalunaaruteqarpoq.

Inuit 137-t nuna tamakkerlugu maanna tunillatsissimalerput, inuillu 973-it ullup unnuallu kingulliup ingerlanerani misissortissimallutik. Inuit 155-it ippassaq tallimanngornermi tunillatsissimasutut nalunaarsorneqarsimapput.

AAMMA ATUARUK Nyt testcenter i Nuuk skal åbne i Inussivik

Inuit amerlanerujartuinnartut misissortittarnerat sunniuteqariartuaartoq nunatta nakorsaanerata oqaatigaa:

- Inuit 300-t sapaatit-akunnerata massuma ingerlanerani akiuussuserneqarput. Tamanna pillugu Nuummi tuniluunnerup ilimagisamit ingasannginneruneranik kinguneqarunarpoq. Inuiaqatigiinni mianersortoqarnissaa innuttaasut kissaatigigaat aamma malunnarpoq, tusagassiutini nalunaarummi ilaatigut allassimavoq.

Coronavirusimik tunillatsissimasut akornanni napparsimmavimmi maanna uninngasoqanngilaq.

Kommunini ataasiakkaani tunillatsissimasut pillugit kisitsisit aajuku:

  • Avannaata Kommunia: 0
  • Kommune Qeqertalik: 0
  • Qeqqata Kommunia: 8
  • Kommuneqarfik Sermersooq (Nuuk): 129
  • Kommune Kujalleq: 0


Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat