Inuit ullup unnuallu kingulliup ingerlanerni 251-it PCR-test atorlugu misissortissimapput, taakkunanngalu 85-it tunillatsissimasutut paasineqarput.Assi: Malik Brøns / KNR

Corona pillugu ullumikkut kisitsisit: 15-it napparsimmavinni uninngasut

Napparsimmavinni uninngasut 15-it akornanni marluk coronamik nappaateqarlutik peruluttut inaanni uninngapput.

Nunatsinni coronamik tunillanneqarsimallutik napparsimmavinni uninngasut katillutik maanna 15-iupput.

Taakkunannga arfineq-pingasut ullup unnuallu kingulliup ingerlanerani unitsinneqarput.

Nakorsaaneqarfiup nittartagaani tamanna atuarneqarsinnaavoq. Nunap immikkoortuisa ilaannit kisitsisinik suli saqqummiussaqarsinnaannginnini taassuma saniatigut nalunaarutigaa.

Napparsimmavinni uninngasut 15-it akornanni marluk coronamik nappaateqarlutik peruluttut inaanni uninngapput.

AAMMA ATUARUK Nakorsaanerup napparsimasunik nalunaaruteqarnerit tunillatsissimasut amerlassusaannik paasiniaanermi atussagai

Allat qulit coronamik nappaateqarnermi saniatigut nappaat alla napparsimassutigivaat, coronalu matumani napparsimmavimmut unitsitaanermut pissutaanerpaanngilaq.

Inuit pingasut coronamik nappaateqarnermi saniatigut nappaat alla napparsimmavimmi uninngassutigaat.

Tunillatsissimasut pillugit kisitsisit

Inuit ullup unnuallu kingulliup ingerlanerni 251-it PCR-test atorlugu misissortissimapput, taakkunanngalu 85-it tunillatsissimasutut paasineqarput.

Nuummi inuit ukioq manna januaarip 21-ani 22-anilu misissortittut 61 procentii tunillatsissimasutut paasineqarput.

Misissuisarnermut periuseq nutaaq

Misissueriaaseq allanngortinneqarpoq, taamaalilluni ikittuinnaat, tassa covid-imik tunillatsinnermi napparsimarululersinnaasut kisimik PCR-imik misissortissinnaalerlutik: 

Inuit coronamik napparsimarululersinnaasut aamma angalasussat coronapasimik atuisussat misissortissinnaapput. 

Allat sinneri angerlarsimaffimminni imminnut misissorsinnaapput aamma/ imaluunniit peqqisseqqinnissartik utaqqissavaat.

Peqqisseqqittutut nalunaarutiginissaq, angerlarsimaffimmi misissornissaq kiisalu coronamik tunillatsissimaneq nuannertut nuallunnertullu kisimi misigisimanarpat napparsimmavimmut nakorsamulluunniit attaveqarani angerlarsimaffimmi mattusimaannarnissaq inuit namminneq akisussaaffiginerulerpaat.

Tamanna misissuisarfiit napparsimmaviillu malinnaasinnaajunnaarnerannik pissuteqarpoq.

Neriniartarfiit imerniartarfiillu januaaripo ulluisa 25-ata tungaanut unnukkut quliniit ullaakkut tallimat tungaanut matoqqasassapput.

Kujataani misissuinernut atatillugu kisitsisit nutaat suli pissarsiarineqanngilaq. Inuit taqqavani arfineq-marluugaangata pingasut tunillatsissimasutut paasineqarput.

Inuk ataaseq Qaana
amut tikinnermi kingorna antigentest aqqutigalugu misissortittoq tunillanneqarsimasutut paasineqarpoq.

Upernavimmi inuit ataasiakkaat tunillanneqarsimasutut paasineqarput, Upernaviullu nunaqarfiini tunillatsissimasunik paasisaqartoqarani.

Uummannami inuit imminnut misissuinerminni tunillatsissimasutut paasineqartut amerlasuujusut nalunaarutigineqarpoq. Misissuinerit maanna Nuuliaanneqarput.

Utoqqaat Illuanni suli tuniluuttoqarpoq

Ilulissani aamma tunillatsissimasorpassuupput, inuilli napparsimareernermi kingorna suliartoqqittut aamma amerlasut oqaatigineqarluni. Qeqertami antigentest atorlugu misissuinermi tunillatsissimasoqartoq paasineqartoq aamma nalunaarutigineqarpoq.

Qeqertarsuarmi antigentest atorlugu misissuinerni marluk tunillatsissimasutut paasineqarput.

Sisimiuni utoqqaat illuanni suli tuniluuttoqartoq aamma nalunaarutigineqarpoq.

Maniitsumi utoqqaat illuanni aamma tuniluuttoqarpoq. Utoqqaat Illuanni najugalik ataaseq, sulisorlu ataaseq tunillatsissimasutut tallimanngornermi paasineqarput.

Atammimmi inuk ataaseq antigentest atorlugu misissuinermi tunillatsissimasutut paasineqarpoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl