Killilersuinerit nutaat arfininngornermi atuutilerneratigut illoqatigiit allallu illoqatigiit illup iluani katersuunnissaata inerteqqutaalerneranit ilaatigut kinguneqassapput.Inerteqquteqarneq nammineq angerlarsimaffigisani sassaalliuteqartarfinnilu atuutissaaq.Assi: Scanpix

Corona: Londonimi angersimaffeqatigiit kisimik illup iluani naapeqqusaasut

Londonimi illoqatigiit allallu illoqatigiit illup iluani arfininngornermit katersuuteqqusaajunnaassapput, tuluit naalakkersuisui nalunaaruteqarput.

Tuluit illoqarfiisa pingaarnersaanni coronavirusip tuniluutileqqinnera annikillisinniarlugu arfininngornermit sukannernerusunik killilersuisoqalissaaq.

Tuluit peqqinnissamut ministeriat, Matt Hancock inatsisartut sisamanngornermi ualikkut ataatsimiinneranni taama paasissutissiivoq.

Killilersuinerit nutaat arfininngornermi atuutilerneratigut illoqatigiit allallu illoqatigiit illup iluani katersuunnissaata inerteqqutaalerneranit ilaatigut kinguneqassapput.Inerteqquteqarneq nammineq angerlarsimaffigisani sassaalliuteqartarfinnilu atuutissaaq.

AAMMA ATUARUK Tuluit Spaniami takornariarsimasut angerlarsimaannarallartarnissaannik maleruagassiortut

Londonimi sillimaniarneq maannakkut ”annikinnanilu annertunngilaq”. Sillimaniarneq arfininngorpamit ”annertunerulersinneqassaaq”, ministeri paasissutissiivoq.

- Londonimi covid-19-imut sillimaniarnerup annertussusaa annertuunngortinneqassasoq ataatsimoorluta aalajangerparput, Matt Hancock oqarpoq.

Sukaterinerit arfininngornermit nalunaaqutaq 00.01-imit atuutilissapput.

Illoqarfiit allat aamma taamaaliartorsinnaasut

Tuluit illoqarfissuini allani killilersuinernik aamma sukannersitsisoqarsinnaassasoq Matt Hancockip ilanngullugu oqaatigaa.

Tuluit naalakkersuisuisa Machesterimi sillimaniarnerup annertussusaa annertunerpaanngortissagaat tusagassiorfiit qassiiusut sisamanngornermi nalunaarutigaat.

Taamaattoqaruni inuit illoqatigiillu allallu katersuuteqqusaajunnaassapput silamilu sumiiffippassuarni aamma katersuuteqqusaajunnaartoqassalluni.

AAMMA ATUARUK Tuluit Nunaanni katerittoqarnerani inuit marluk sinnissanngikkaat

Matt Hancockip oqarnera naapertorlugu tassunga atatillugu inaarutaasumik suli aalajangiisoqanngilaq.

Londonimi coronavirusimik tunillatsittut piffissami kingullermi amerliartupiloornerat pissutigalugu sukaterinerit atuutilersinneqarput.

Tunillatsittut marloriaammik amerlanerusut

Illoqarfiillu pingaarnersaanni nutaanik killilersuisoqanngilaq. Sumiiffinni Esseximi, Chesterfieldimi North East Derbyshireilu sillimaniarneq aamma annertusineqassaaq.

Illoqarfinni taakkunani tunillatsittut ullormut nalunaarsorneqartut amerlassusaat ullut 14-it ataallugit marloriaatinngornerat pissutavoq.

Matt Hancockip oqarnera naapertorlugu tuluit naalakkersuisui tunillaassuuttoqarneranik unikaallatsinniarlutik suliniuteqartariaqarput.

Tuluillu killilersuinernik malinnilluarnissaat taassuma ilanngullugu kaammattuutigaa.

- Suleqatigiikkutta virus anigorsinnaavarput, Matt Hancock inatsisartuni sisamanngornermi ataatsimiinnermi oqarpoq.

/ritzau/

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat