Tuluit Nunaanni katerittoqarnerani inuit marluk sinnissanngikkaat
Tuluit Nunaanni illoqatigiit minillugit katerittoqartillugu inuit marluk sinnissanngikkaat, ministeriuneq, Boris Johnson ataasinngornermi taama nalunaaruteqartoq, Reuters allaaserisaqarpoq.Taamaalilluni Tuluit Nunaat Tysklandimisullu sukannersumik inassuteqalerpoq. Tysklandimimi sukannersumik sapaammi inassuteqartoqarpoq.
Sapaatit akunnerini pingasuni aneqqusiunnaaqqusisoq
Boris Johnson naalakkersuisoqataalu Nualluut pillugu akiuiniarnermi pilaarpallaarnerarneqarlutik isornartorsiorneqarput.
Johnsonilli sukaterinernik ilaatigut katerinnerit maannamuugallartoq sapaatit akunneri tulliuttut pingasut iluanni unitsinneqassasut ataasinngornermi unnukkut nalunaarutigaa.
Tamatuma saniatigut aneqqusiunnaarnissamik inassuteqarpoq.
Pisariaqavippat pisiniarfilereqqusaasut, timigissaqqusaasut suliartoqqusaasullu
- Angerlarsimaannassaasi, Johnson tv-kkut nuna tamakkerlugu taama nalunaaruteqarpoq.
Tamanna isumaqarpoq, tuluit pisiniarfileriniartut, timigissarniartut, nakorsaatinik aallerniartut suliartorniartullu angerlarsimaffitsik taamaallaat qimassinnaagaat.
- Maleruaqqusat unioqqutinneqarpata, politiit akiliisitsisinnaapput katerinnernillu unitsitsisinnaassallutik, Boris Johnson ataasinngornermi unnukkut taama oqarpoq.
