Tuluit Spaniamut takornarilarlutik angalasimasut uternerminni ulluni 14-inik angerlarsimaannartalernissaat tuluit naagalaaffiata piumasaqaatinngortippaaAssi: Scanpix

Tuluit Spaniami takornariarsimasut angerlarsimaannarallartarnissaannik maleruagassiortut

Tuluit nunaata Spaniap nunavittaanut takornariarfigeqqunngikkallaraat, takornariarsimasullu sapaatip akunnerini marlunnik angerlarsimaannarallaqquneqartalerput.

Tuiluit allallu Spaniamut takornariarsimappata, tuluit nunaannut uternerminni sapaatip akunnerini marlunnik angerlarsimaannaqqusaasalerput.

Tuluit naalagaaffiat arfininngornermi taama nalunaartuteqarput. Spaniami coronamik tunillatsissimasut nalunaarsorneqartut amerliartoqqilernerata kingorna taama aalajangiisoqarpoq.

AAMMA ATUARUK Nanortalimmi tunillatsittoqarneranut tunngatillugu nakorsaaneq eqqissisaavoq

Peqqussutit ullumi sapaammi atuutilerput. Tassalu tuluit allalluunnii Spaniemut tikittussat tamarmik sapaatip akunnerini marlunnik angerlarsimaannaqqaassapput.

Spaniap nunavittaanut angalannginnissaq tuluit naalagaaffiata aamma kaammattuutigaa .

Spaniap qeqertaanut, Gran Canariamut, Tenerifemut, Mallorcamut, Menorcamut Ibizamullu angalanissaq ajornartoqartinneqanngilaq.

Spaniamiissimasut Norgemut utertut aamma ulluni qulini angerlarsimaannarallartarnissaat Norgep nunanut allanut tunngasunut ministereqarfiata tallimanngormat piumasaqaatigilerpaat.

Spaniamiissimagaanni Danmarkip nunanut allanut tunngasunut ministereqarfiup angallannermi maleruaqqusat malinneqarnissaa nakkutigeqquaat. Norgimituulli taama piumasaqaateqatiginatik.

Taamatullu Spaniami nunap ilaani Cataloniap tikinneqannginnissaa Frankrigimit oqartussat kaammattuutigaa.

Spania siorna 84 millioninit takornariarneqarpoq.

Spaniami COVID-19-imik nappaateqartut maannamut katillugit 272.421-upput, marsimili coronartoqalermat inuit 28.432.it coronamik toqquteqarlutik.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat