Nanortalimmi tunillatsittoqarneranut tunngatillugu nakorsaaneq eqqissisaavoq
- Naamik ullumikkut nutaarsiarsartaqanngilaq. Misiliummik nutaamik tigusiffeqqinnikuuarput, tassanilu takusinnaavarput positiviusoq, Nakorsaaneq Henrik L. Hansen oqarpoq.
- Nanortalimmili innuttaasut tuniluuttoqarnissaanik ernumassanngillat, umiarsuarmimi ilaasut nunatsinnut iseqqusaajunnaarput, umiarsuullu aquttuata kaammattuut malissagaat peqqinnissaqarfiup qularinngilaa.
Tunillaassuunnissaq eqqarsaatigalugu taanna kisiat tuniluunnermik aallartitsisinnaavoq, tamannali ilimanaateqanngitsoq nakorsaaneq Henrik L. Hansen oqarpoq.
Tunillatsittoqaqqinnissaa naatsorsuutigineqanngikkallarpoq
- Nanortalimmi tunituuttoqarnissaa naatsorsuutiginngilarput. Kisianni umiarsuarmeersut qanimut attaveqarfigineqarnikuupput, taamaammat sapaatip akunneri marluk ingerlaneranni arlaat napparsimalerlutik quersorlutik kissarneqarlutilluunniik ersiuteqalerpata peqqinnissaqarfimmi misiliummi tigusiffigineqassapput.
Coronavirusimik tunillatsittoqaqqinneranut atatillugu inuit sissuernissaannik eqqaaseqinneqarput.
- Uani suliami ersersinneqarpoq coronavirusi suli ingerlaartoq. Nunatsinnullu takkuteqqittassaaq.
Maleruaqqusat malinneqassapput
- Nunarsuup sinnera qiviassagaanni coronavirusip ajornartorsiutaanera annertungaatsiarpoq. Taamaammat nunatsinni sillimanissaq taanna pingaartueqarpoq, unami tunillatsittunik kingullersaanngilaq.
- Nunatsinnili tunillaassuunnissaq pinngitsoorniarutsigut maleruagassat soorlu qanillinaveersaarneq, eqqiluisaarneq eqitaannginnissaq pingaaruteqarluinnarpoq. Taamaanngippat tuniluunneq aallartissaaq, nakorsaaneq Henrik L. Hansen oqarpoq.