COP21-mi Issittormiut ataatsimoorput
Taakku oqaluuseraat Issittumi silap allanngoriartorneranut ataatsimoorussamik nalunaarusiaqarsinnaaneq. Nalunaarusiami naggueqatigiit inuit ataatsimoorlutik nunarsuarmioqatitsinnut takutikkusuppaat, immikkut unammilligassat pillugit akuerineqarnissaq tapersersorneqarnissarlu.
Læs også Silap pissusaa pillugu ataatsimeersuarnermi ineriartortitsineq Vittusip anguniarpaa
Naatsorsuutigineqarpoq nalunaarusiaq aqagu marlunngornermi tusagassiuutinut saqqummiunneqarumaartoq.
Nordisk Ministerrådip aaqqissugaanik, Nunatsinni silap pissusiata allanngoriartornera ullumi sammineqarpoq, tassani Vittus Qujaukitsoq oqalugiarpoq eqqartorlugu inuiaqatigiinni Issittumi silap pissusaa pillugu isiginnittariaatsip allanngortitsisariaqarnera.
Oqalugiarnermini Vittus Qujaukitsup erseqqissarpaa, ukiuni kingullerni silap pissusiata allanngoriartorneranik eqqorneqarnerlunnerput piniariaasitoqqattalu assut eqqornerlunneqarnera, aammali EU'p puisit amiinik eqqusseqqusiunnaarnerata eqquinerlussimanera eqqaallugu.
- Silap pissusiata allanngoriartornerata eqquinerlunnerata inuunermi atukkatsinnik allannguinerata saniatigut aamma Kalaallit Nunaanni aningaasarsiornikkut tunngavigisagut allanngorluinnartussat iliuuseqarfigisariaqarpavut, Vittus Qujaukittoq oqarpoq.