Silap pissusaa pillugu ataatsimeersuarnermi ineriartortitsineq Vittusip anguniarpaa
Nunarpullu danskit aallartitaat, danskillu ministeriunerat Lars Løkke Rasmussen, peqatigalugit ilaassaaq.
Nunatsinniillu CO2 aniatinneqartoq annikillisarniarneqartuartoq, nunanut aallanut naalakkersuisup ersersinniarpaa.
CO2-millu aniatitsinermut annikillisaanissamut piumasaqaatit sukaterneqassappata Nunatta ineriartorneranut sunniinerlussanngitsoq Vittus Qujaukitsup qulakkeerniarpaa.
Aatsitassarsiorneq
- Nunatta isumaqatigiissummi peqataanissaanut apeqqutaasorujussuussaaq mingutsitsisinnaanissamut annikillisaanissamik piumasaqaatit qanoq sakkortutigisut isumaqatigiissummi atuutsinneqassanersut, minnerunngitsumillu qulakkeerniakkatta aamma ilagivaat, nunap inuisa pisinnaatitaaffiisa ataqqineqarnissaat isumaqatigiissummi aamma qulakkeerniakkatta ilagalugit, Vittus Quajkitsoq taama oqarpoq, nangillunilu.
- Aatsitassanut ikummatissanullu atuinermi periusissami Kalaallit Nunaata siunissami aatsitassarsiorfiit qulit tikillugit amerlassusillit pilersinneqarnissaat periusissami anguniagaavoq. Taanna piviusunngortissagutsigu Nunatta pituttugaannginnissaa, aatsitassarsiornikkullu ineriartortitsinissamut periarfissatta ajornerulinnginnissaat pingaaruteqarpoq, aningaasaqarnermut, aatsitassanut nunanullu allanut naalakkersuisoq, Vittus Qujaukitsoq taama oqarpoq.
Nunat katillugit 195-it ataatsimeersuarnermut peqataapput.
