Containerilersuut siullersaalluni Rusland avannaqqallugu Europaliartoq
Umiarsuaq Venta Maersk Ruslandimi illoqarfimmit Vladivostokimit aggustip 23-ani aallarpoq Korea Kujallermilu illoqarfimmut Busanimut aggustip 28-ani tikilluni.
Rusland avannaatigut angalaneq septembarip arfernani aallartippoq.
Umiarsuarnik nakkutilliisoqarfik Marine Traffic naapertorlugu, umiarsuup Rusland avannaqqullugu Europaliarnera ullut aqqanillit qaangiummata naammassivoq.
Venta Mærk maanna Norgemi Hammerfestip avannaani Barentshavimiippoq.
AAMMA ATUARUK Aatsaat taama sukkatigisumik Rusland avannaqqullugu kangianut aqqutikkoortoqartoq
Angalanera pilersaarutit malillugit pisoq inuttallu ajunngitsut, Mærsk DR Nyhederimut paasissutissiivoq.
Ruslandip avannaatigut angalaneq misiliinerusoq Mærskip erseqqissaatigaa tamanna ingerlaarfigisassamut nutaamut aallarniutaanngitsoq. Taama angalasoqarsinnaanersoq misissorniarlugu tamatumunngalu aningaasartuutit paasiniarlugit taama angalasoqarpoq.
Rusland avannaqqullugu aqqut Europap Kangiatalu akornanni qaninnersiortarfittut aamma taaneqartarpoq, nunarsuullu immikkoortuisa marluk akornanni angalaneq 40 procentimik sivikinnerulersissinnaavaa.
Umiarsuaatileqatigiiffiit taamaalillutik ikummatissamik piffissamillu sipaaruteqarsinnaapput kiisalu Igitsinimi Suez-kanalikkoornermi Afrikalluunniit kujataatigoornermi aningaasartuutit pinngitsoorneqarsinnaallutik.
