CNN-ip Trump eqqartuussivilersuunniaraa
CNN-ip tusagassiortuata Jim Acostap, USA-p præsidentiata illorsuanut Det Hvide Husimut isersinnaanissaanut piginnaatitsissutaa, Donald Trumpip tusgassiortunik sapaatip-akunnerata siuliani katersuutsitsinerata kingorna tunuartinneqarnera eqqartuussivilersuussiniarnermut tunuliaqutaavoq.
Det Hvide Hus Jim Acostap pisinnaatitaaffiinut eqqunngitsuliorsimasoq, suliassanngortitsinermi atuarneqarsinnaavoq.
AAMMA ATUARUK CNN-imi tusagassiortoq Det Hvide Husimut iseqqusaanngitsoq
Jim Acosta, Trumpimik apersuinermi nalaani Trumpimit sakkortuuliorfigineqarpoq, Acostallu Det Hvide Husimu tisersinnaanissaanut piginnaatitsissutaa Trumpimit kingorna tunuartinneqarpoq.
Jim Acostap Det Hvide Husimut isersinnaanermut piginnaatitsissutaata atuutilerseqqinneqarnissaa, CNN-ip suliassanngortitsinermigut anguniarpaa.
Donald Trumpip atorfilittaasa aqutsisuat John Kelly, tusagassiisartua Sarah Sanders, præsidentillu isumannaallisaaniartuis Secret Servicep siuttuat Joseph Clancy eqqartuussivilersuunneqartunut ilaapput.
