Cigaretsitukkani politiimut tammisikkamiuk tigusarineqarpoq
Aappariit Ilulissani imerniartarfiit ilaanni arfininngornermi unnukkut eqqissiviilliortitsipput. Arnap politiimit anisinneqalerami cigaretsitukkani suli ikumasoq politiip tungaanut tammisippaa, tamannalu tigusarinninnermik kinguneqarpoq. Uiusup nuliami tigusarineqarnera akerleralugu politiit meerai ilanngullugit siorasaartalermagit ilanngullugu persuttaasutut tigusarineqarpoq.
Allattoq Najaaraq Egede
Angut uiusoq sapaammi eqqartuussivimmut sassartinneqarpoq, novembarillu ulluisa qulingiluaata tungaanut tigummigallagassanngortinneqarluni.
Angut persuttaasimasutut politiinut siornatigut unnerluussaareernikuuvoq.