CIA pillugu misissuineq aqagu saqqummiunneqassaaq

CIA unioqqutitsilluni timmisartuussisarsimanersoq pillugu misissuineq Naalakkersuisut siulittaasuata Kuupik Kleistip aamma nunanut allanut ministerip Villy Søvndalip novemberimi 2011-mi aallartitaat naammassivoq taassumalu imarisai DIIS-ip aqagu marlunngornermi avammut nalunaarutigissavai.

Villy Søvndal illuatungiliuttuugallarami CIA nunatta silaannartaatigut aammalumi nunatsinnut aqqusaartarsimaneranut tunngasut misissorneqartariaqartut ilungersorluni noqqaassutigisarpaa. Ministerinngoramimi arlaannaannut pituttorsimanngitsut misissuisinissaannut aningaasaliinissani nangaaffigilerpaa. Taarsiullugu Dansk Institut for Internationale Studier (DIIS) pappiaqqat tamanut saqqummiunneqareersut najoqqutaralugit misissortussanngorpaa unioqqutitsisoqartarsimanersoq.

0cm;line-height:13.5pt;background:white;vertical-align:baseline">
- Timmisartut sumiittarsimanersut aammalu qanga taamaattarsimanersut sammissavarput. Aamma qallunaat naalakkersuisut akuusimanersut misissussavaat. Taamaammat angusarput naammagisimaarpara. Taava takussavarput misissuinermit nalunaarut sunik imaqarumaarnersoq, Kuupik Kleist oqarpoq misissuinissamik isumaqatigiissusiornerup kingorna. - Kalaallit tungaanniit piumasarisimavarput misissuisussamik kommissioniliortoqassasoq tamannali anngunngilarput, taava pissarsiarput naammagiinnartariaqarparput, Kuupik Kleist oqarpoq.

Siornatigut Danmarkimi naalakkersuisut Folketingimut neriorsuutigaat amerikamiut uteriiserfiginiarlugit CIAp timmisartuussisarsimaneri paasiniarlugit. Paasissutissalli tamatuma kingorna takkuttut takutippaat amerikamiut kimigiiserfigineqarsimanngitsut. Tamanna paasineqarmat Folketingimi saamerliit piumasaraat sukumiinerusumik misissuisoqassasoq. Taamatulli misissuinissamut periarfissaqaleramik sukumiivallaanngitsumik DIIS-ip misissuinissaa toqqarpaat.

Paasissutissat isertortumik tunniussat malillugu timmisartut ikinnerpaamik 26-it nunarput qulaallugu aqqusaarfigaluguluunniit ingerlasarsimapput. Danmarkimili naalakkersuisut tamakku ilisimannginnerarpaat. Taama pisoqarmat misissuinissaq siunniunneqarpoq. Tassani misissuinermi paasisat aqagu saqqummiunneqassapput annerusumilli paasisaqassanersugut tamatuma takutikkumaarpaa.

Danmarkip aamma nunatta misissuinermi aningaasartuutit avippaat.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat