Canadap kangimut sineriaata imartaani ammassassuit tammarput

Ammassassuit Canadami maanna ajornartorsiortitsilerput...Siullermik kapisillit Canadap kimmut sineriaanit tammartut aningaasarsiornikkut kulturikkullu ajunaarnersuartut ittumik sunniuteqarput.

Maannalu ammassassuit Canadap kangimut sineriaaniittartut tammaaneqalerput. Siullermik kapisillit Canadap kimmut sineriaanit tammarput, aningaasarsiornermut kulturimullu ajunaarnersuarmik kinguneqartumik. Maanna ammassassuit Canadap kangimut sineriaaniittartut tammaaneqalerput. Ammassassuit sumut nuna pisut ? Aalisartut Canadami nunap immikkoortuini Atlantikumut sinerissamiittut New Brunswickimiut New Foundlandimiullu taamatut aperipput. Maajip juunillu qaammataani ammassassuaqaraluarpoq, maannallu amerlasoorsuullutik takkuffissaraluarminni tammarput. Nova Scotiap eqqaani Fundip kangerliumarngani ammassassuit amerlanersaat aalisarneqartararluarput. Augustip qaammataani ammassassuartarineqartussatut naatsorsuutigineqartut 5 procentiinnaat maanna aalisartunit pisarineqarput. Tamanna aalisakkanit tunisassiortunut malunniuteqalereerpoq, tassa aalisakkanik suliffissuarni sulisartut ikileriarnerannik kinguneqarpoq. New Brunswickimi aalisakkanik ilisimatuut sooq taamaannersoq paasisinnaanngilaat, aalisartulli ilaasa silap aasaanerani kiannerujussua aamma anorersuarujussuartarneratigut ammassassuit inuussutaasa imaannarsuarmut nikisinneqarsimanissaat pisuutippaat. Ammassassuit toqarsimanissaat ilimagineqanngilaq, allamullu suli paasineqanngitsumut nuussimanissaat ilimagineqarpoq. Ammassassuit aalisartut aningaasaqarniarnerannut pingaarutilerussuupput, taamaattumik ammassassuit Foundiip kangerliumarnganut qanittukkut uternissaat aalisartut neriuutigisorujussuuvaat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat