Ontariop inuit, indianerit metisillu utoqqatserfigai
Tassami atuarfinni najugaqarfiutigisuni tusaamanerlutaaqisuni Ontariomiittuni inuusuttut atornerlugaasimanerat utoqqatserneranut pissutaavoq.
Naalakkersuisut siulittaasuat nangilluni utoqqatsivoq nunap inoqqaavisa piginnaatitaaffiinik arsaagaasimanerat pillugu, tamatumalu naapertuil - luanngitsuliorner - passuarnik kamannermillu kinguneqarsimanera pissutigalugu.
Aamma atuaruk Canadap nunat inoqqaavisa pisinnaatitaaffii akuerai
Taama pisoqarnerani aamma Kathleen Wynnep aningaasaateqarfik nutaaq pilersinneqarsimasoq nalunaarutigaa; aningaasaateqarfiup taassuma 1,3 milliarder koruuninik aningaasartaqartup suliniutit nutaat 26-it aningaasalersussavai,
Ilaatigut atuarfinni najugaqarfiutigisuni naalliutsitsisarsimanerit pillugit Ontariomi innuttaasut paasititsiniaavigineqassapput, aammalu nunap inoqqaavisa Ontariomiittut oqaasii kulturiilu pillugit suliniutinut aningaasat atorneqassasut.