Canadami naggueqatigiit inuit nunaqarfiisa atii Inuktitut ateqalissapput
![](/sites/default/files/styles/image_934x467/public/article_images/6887730732_0537b032d1_o.jpg?itok=b4ToX7G2)
Nunavut Canadami nunap immikkoortuini anginersaavoq, Nunavut 1999-mi Namminersornerulernikuugaluartoq nunaqarfiit sumiiffiillu arlaqartut tuluttut taaguuteqarput, Inuktitut taaguuteqaratik.
Nunavummiittoq tuluttut taaguutilik Hall Beach Sanirajakmik taaguuteqalerpoq, nunaqarfik Cap Dorset Kanngaitmik taaguuteqalerluni .
Taama allaaserisaqarpoq Nunaavummi aviisi Nunatsiaq News
- Allakkamik uppernarsaammik atsiorpunga, nunap immikkoortui nunaqarfiullu inuktitut taaguutaasa atuutilersinnissannut, Lorne Kusugak taama oqarpoq, taanna Nunavut naalakkersuisuini ministeriuvoq.
Nunavummi sumiiffiit nunaqarfiillu taaguutaasa allanngorneri pillugit Lorne Kusugak februarip ulluisa 27-anni atsiorpoq.
AAMMA ATUARUK Nunavummi illoqarfiit taaguutitoqaat taaguutaaqqilissasut
Inuktitut
Taaguutit nutaat Inuktitut oqaasiinit aallaaveqarput, Nunavummi naggueqatigiit inuit oqaasii assigiinngitsut arlaqarput.
- Cambridge Bay (Iqaluktuuttiaq)
- Gjoa Haven (Uqsuqtuuq)
- Baker Lake (Qamani’tuaq)
- Chesterfield Inlet (Igluligaarjuk)
- Rankin Inlet (Kangiqliniq)
- Whale Cove (Tikirarjuaq)
- Coral Harbour (Salliq)
- Clyde River (Kangiqtugaapik)
- Pond Inlet (Mittimatalik)
- Arctic Bay (Ikpiarjuk eller Tununirusiq)
- Grise Fiord (Ausuittuq)
- Resolute Bay (Qausuittuq)
Tusarfik: Nunatsiaq News.
Taaguutit allanngortinneqarnerat inatsit Hamlet naapertorlugu allanngortinneqarput, Nunavummi nunaqarfiit sumiiffiillu taaguutaasa allanngortinneqarsinnaanerannik periarfissiisoq.
Sanirajakmi Kanngait-milu 2019-mi innuttaasunik taasisitsisoqarpoq, sumiiffiit inuktitut taaguuteqalernissaannut amerlanerit tapersersuillutik.
Nunavummi sumiiffiit nunaqarfiillu aqqaneq marluk tuluttut suli ateqarput, taakkua innutaasunik taasisitsinermi inuktitut taaguuteqalernissaannut aalajangerneqarnissaat naatsorsuutigineqarluni.