Nunavummi illoqarfiit taaguutitoqaat taaguutaaqqilissasut

Suliassaq tamanna annertoqaaq, Nunavummili nunaqarfiit illoqarfiillu tamarmik Inuktitut siunissami taaguuserneqarnissaat naatsorsuutigineqarpoq.
Qeqertaalummi Cape Dorset, naggueqatigiit Inuit eqqumiitsuliornermi pingaarnertut illoqarfiattut ilaatigut taaneqartartoq tassaalissaaq Kinngaat. Assi © : Rod Brazier/Flickr Creative Commons
Allattoq Marianne Stenbæk, Montreal, Canada
februaarip 02-at 2020 14:44

Maniitsoq Sukkertoppenimik qanga taagorneqarpoq, Nuuk Godthåbiulluni, Sisimiullu Holsteinsborgiulluni.

Nunavummilu illoqarfiit nunaqarfiillu aqqi maanna allanngortinneqalerput, taaguutitoqqatik taaguutigilissallugit.

Qeqertaalummi Cape Dorset, naggueqatigiit Inuit eqqumiitsuliornermi pingaarnertut illoqarfiattut ilaatigut taaneqartartoq tassaalissaaq Kinngaat.

Kinngaanni borgmesterip Timoon Toonoop oqaatigaa Kinngaat isumaqartoq qattorngit nalaat.

Cape Dorsetip taaguutaata allanngortinneqarnissaanut siunnersuut taasissutigineqarmat Kinngaannik taaguuteqalernissaanut amerlanerussuteqartoqaqqalaarpoq, amerlasuummi Cape Dorsetimik taaguuteqaannarnissaa kissaatigigaluarpaat.

Ujaqqamik kigartuilluni assilialiat Cape Dorsetip Canadami eqqumiitsuliortut akornanni ilisimaneqaatigai, soorlu aamma qiperukkat nunaqarfiup taassuma ilisimaneqaatigigai.

Cape Dorsetimilu taasinerup inernera Nunavummi naalakkersuisunut maanna taava ingerlateqqinneqassaaq, pisortatigoortumillu tassani akuersissutigineqaqqaassalluni.

Nunavummi nunaqarfiit aqqanilissaat Inuktitut taaguutitoqqat aallaavigalugit taaguuserneqartussanngorpoq.

Aamma atuaruk