Canadami naggueqatigiit Inuit ilinniartitaanermut nutaamik periusissiuunneqartut
Inuit suliniaqatigiiffiat, Inuit Tapiriit Kanatami - inuit ilinnagaqalernissaannut malittarisassamik sanavoq, taanna atuarfimmi Amaujaq Centerimi atorneqarsinnaasunngorlugu piareersarneqarluni.
Atuarfimmi tassani meeqqat atuarnerminnik naammassisaqarnissaat anguniarlugu suliniummik aallartitsisoqarpoq angajoqqaat ikiortigineqarlutik.
Atuarfimmit Amaujag Centerimit, angajoqqaat Nunavummiittut, Nunavimmiittut, Nunatsiavummiittut Inuivialuinniittullu kaammattorneqarput suliniutinik nassaarniaqqullugit, meeqqatik ullut tamaasa atuartarniassammata atuarfimmilu atuarnertik naammassillugu.
Aturafik Amaujag suliniutinut atugassanik aningaasaliiniarpoq, suliniut ataaseq 30.000 koruuninik aningaasaliiffigineqartassalluni.
Suliniuteqarnernut piumasaqaataasoq ataasinnaavoq, tassalu angajoqqaat atuarfillu peqataanissaat.
Atuarfiup misissuisitsinerani paasineqarpoq meeqqat atuarfimmiiginnaarnissaannut atuarnerminnillu naammaassisaqarnissaannut angajoqqaat pingaaruteqartorujussuusut.
Inuit Taperiit Kanatami siulittaasoq Terry Audla oqarpoq suliniutit taakkua atorlugit naggueqatigiit Inuit meerartaasa atuarfimmiiginnarnissaannut pitsaanerpaasut.
