Canadami Inuit naligiinnerusumik inissisimalerusuttut
Tusarniaanermi paasineqartoq oqaluttuaraa, tassalu naggueqatitta Inuit peqqinnissaqarfimmi sulisoriniarnerat ajornartorsiutaaqisoq, pissutigalugu kujataaniit tikisitat akissarsiamikkut atukkamikkullu ajunnginnerujussuarmik atugassaqartitaammata.
Tikisitat nakorsaniit ilinniagaqanngitsunut nunaqavittuniit pitsaanerusunik illutaartinneqartarput, angalatinneqartarlutik tassalu pitsaanerusumik pineqarlutik.
Miinie Grey KNR-imut oqaluttuarpoq atorfiit inoqanngitsorpassuit Inunnit suliffigineqarsinnaagaluit maanna inuttaqanngisut, kujataaneersunilluunniit inuttalerneqartartut. Minnie Greyip tamanna ataatsimiititaliamut misissuiffigeqquaa, innersuussutigalugulu pissutsit naligiinnerulernissaat.
Ataatsimiititaliarsuup tusarniaaneri iluatsilluarsimaqaat, sulilu amerlanerit nassuiaarusummuta piffissarititaasoq ukioq manna septembarimiit aappaagu novembarimut kinguartinneqarpoq.