Nunanit allanit

Nunat inoqqaavisa meerartaat: kulturikkut toqoraanertut isigineqassasoq

Canadami nunap inoqqaavisa merartaat najugaqarfigiitigalugu atuarfinniitinneqartut inuianni kulturikkut toqoraanertut isigineqarnissaa Canadami inatsisartuni siunnersuut inatsisartuni akuerineqarpoq.
Nunap inoqqaavisa, Inuit, First Nations-it Mètis-ilu meerartaat 150.000-it missaanniittut ilaquttaminnit pinngitsaalisamit peersinneqarput, najugaqarfigiitigalugit atuarfinnut inissinneqarlutik, qaamasumik amillit oqaasii pissusaallu ilikkassagamikkit Assi © : Ansgar Walk, via Wikimedia Commons
Allattoq Marianne Stenbæk, Montreal, Canada
oktobarip 30-at 2022 18:27
Nutserisoq Jaaku Lyberth

Canadami inatsisartunut ilaasortap Leah Gazanip sapaatit akunnerani kingullermi inatsisartuni siunnersuutigaa, naggueqatigiit inui,  First Nationsit Metis-illu meerartaat ukioq 1880-mit 1996-ip tungaanut atuarfinni najugaqarfiutigisimasuniittut pineqarnerat inuiannik kulturikkut toqoraanertut isigineqassasoq

Siunnersuut Inatsisartuni ilaasortanit tamanit sisamanngornermi oktoberip ulluisa 28-anni  akuersissutigineqarpoq.

Naggueqatigiit Inuit, First Nations-it Métis-illu meerartaat 150.000-it missaanniittut pinngitsaalisamik ilaquttaminnit peersinneqarput, najugaqarfigiitigalugulu atuarfinnut inissinneqarput, qaamasumik amillit oqaasiinik pissusaannilu ilinniartinneqarlutik.

Atuarfiit najugaqarfiutigisut Canadap naalakkersuisuinit upperisarsioqatigiinnilu assigiinngitsunit aqunneqarput.

Hvad er et kulturelt folkedrab? Inuiannik kulturikkut toqoraaneq suua ? :  Naalagaafik naalakkersuisulluunniit inuiaat allat kulturiannik oqaasiinillu piaaralutik nungutitseriaasut

 

Meeqqat persuttarneqarajupput kinguaassiutitigut atornerlunneqartarlutik sianissusiisigut innarlerneqartarlutik.

 

Ilitsoqqussaralugu oqaatsitik atoraangamikkit sakkortuumik pillarneqartarput.

Meeqqat tusintinik amerlassusillit toqupput allat ilaquttaminnut uteqqinngisaannarlutik.

LÆS OGSÅ: Paven kalder handlinger mod Canadas oprindelige folk for et ’kulturelt folkedrab’

Upperisarsiortut katuullit qullersaat Pave juulip qaammataani Canadaliarpoq naggueqatigiinnut inunnut suli ajunngitsunut inunnut First Nationsinut aammma Métisinyt utoqatseriartorluni. 

Pave Romamut ingerlaaartilluni oqarpoq meeqqat atuarfinniitinneqartut inuiannik kulturikkut toqoraasoqarsimasoq. 

Inuiannik kulturikkut toqoraaneq Naalagaaffiit peqatigiinnit nassuiarneqarpoq, inuiannik nungusaanertut ammilluunniit qalipaataat aallaavigalugu toqoraanertut taakkualuunniit eqqarsartaasiannik timaannillu ajoqusiisinaasunik iliuuseqarfigineqarunik

Aamma meeqqat inuiaqatigiinnit persillugit allamullu pinngitsaalillugit nuutsinneqartut inuiaat kulturianik toqoraanertut isigineqartarput.

Inatsisartunut ilaasortap Leah Gazanip siunnersuutaa inatsisinut atuuttussanngorlugu ingerlateqqinneqassaaq

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq