Canada: Imminut toqunnermut pinaveersaartitsinissamut periusissiaq nutaaq
Inuit Tapiriit Canadami præsidentip Natan Obedip naggueqatigiit Inut akornanni imminut toqunnermut pinaveersaartitsinissamut periusissiaq, tuluttut National Inuit Suicide Prevention Startegymik taaguutilik pingasunngormat nalliuttorsirpaluttumik katerisimaartitsinermi saqqummiuppaa.
Canadami Inuit imminut toquttut nunarsuarmioqatinut sanilliullugit amerlanerpaat ilaanniipput, Canadamiunullu allanut sanilliullugit aqqanileriaammik amerlanerullutik.
Natan Obed imminut toqunnermut suut pissutaasarnersut paasiniarlugit qaammatini arlalinni Canadami angalavoq, inuit pingaartumik inuusuttut oqaloqatigisaqattaarlugit.
Nunasiaanerullu nalaani naggueqatigiit Inuit politikkikkut aalajangiisarnernit sunnernerlunneqartarsimasut, ikiorneqarnissamullu periarfissaqanngingajattarsimasut, Obedip ilaatigut paasivai.
Canadami naalakkersuisut naggueqatigiit Inunnut immikkut isumalluutinut tarnikkullu nappaatinik pinaveersaartitsinermut 50 millionit koruuninik tunniussiniarlutik Natan Obedip perisusissiamik saqqummiinerata nalaani, nalunaarutigaat.
