Canada illuliassanik titartaasartut aappagu saqqummersitsinissaannut piareersaateqalereerpoq

Venedig ukioq allortarlugu nutaaliaasumik illuliassanik titartaanermik sammisaqarfiusarpoq, illoqarfimmimimi ikerasaliaararpassualimmi illussanik titartaasartut saqqummersitsinersuat ingerlanneqartarpoq.
Allattoq Marianne Stenbæk, Montreal, Canada, Simon Uldum
marsip 27-at 2013 06:38

Illuliassanik nutaaliaasunik titartaasartut pitsaanersaat saqqummersitsipput aammalu ilusilersukkanik unammisitsisoqarluni. Canada aalajangeqqammerpoq illuliassanik titartaanikkut suliniutit tallimat 2014-imi Saqqummersitsinersuarmut nassiunniarlugit. Naak suli ukioq ataasiugaluartoq piareersaatit aallartinneqareerput.

Suliniutit Nunavumi nutaaliaasumik naleqquttumillu illuliassanik titartaanissamik misiliinerussapput. Nunarput siorna saqqummersitsinersuarmi sammineqarpoq suliffeqarfiillu illuliassanik titartaasarfiit arlallit Nunatsinni siunissami sanaartornissamut siunnersuuteqarlutik peqataallutik.

CBC News oqaluttuaraa ukiormanna sammisat tallimaasut: peqinnissaq, kulturi, inissiat sunngiffillu. Illut saqqummersinneqartut sammisanik taaneqartunik imaqartinneqassapput. Peqatigisaanik soorunami aamma Nunavumi sumi inissisimanersut silallu pissuserisartagai eqqarsaatigineqassapput.

Venedigimi saqqummersitsinersuaq 2014-imi aasakkut ingerlanneqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq