Canada: Coronap takkuteqqinnissaanut pinaveersaartitsinissamut aningaasaliingaatsiartoq

Canadami oqartussat nunat inoqqaavinut aningaasat atorneqartussat amerlanerusut akuersissutigai, taamaalilluni covid-19-ip tuniluuteqqilissagaluarpat atugassarititaasut pitsaanerussapput.
Coronavirusip takkuteqqinnissaanut Marc Millerip Métisit, indianerit Inuillu maanna piareersalereernisaat piumasaraa. Assi © : Alec Couros/Flickr Creative Commons
maajip 30-at 2020 16:58

Canadami nunat sisamat ilaanni maannamut ajunngitsumik ingerlapput. Nunavimmi inuit 16-iinnaat coronavirusimik tunillatsinnikupput, Inuit najugaqarfiini allani tunillatsittoqarnikuunngilaq. Taakkulu 16-it tunillatsinnikut tamarmik peqqisseqqinnikuupput, nappaammillu covid-19-imik toqquteqartoqarnikuunanni.

Nunalli inoqqaavisa ministeriat, Marc Miller, ukiaru coronavirusip tuniluuteqqinnissaanut ilimasulluni naalagaaffik 3 milliardit koruuninik aningaaliisoq Ottawami tallimanngornermi oqaatigaa.

Marc Millerip Métisit, indianerit Inuillu maanna piareersalereernisaat piumasaraa.

AAMMA ATUARUK Nunavummiut coronavirusimut piareersimapput

Marc Millerip Métisit, indianerit Inuillu maanna piareersalereernisaat piumasaraa.

Inuit indianerillu peqqinnissaqarfiinu pitsanngorsaanermut, coronap nalaani suliffissaaruttunut, arnanullu aqqaneq marlunnut nakuuserfigineqarsimasunut nutaamik qimarnguiliortoqarnissaanut aningaasat atorneqassapput.

Indianerit reservatissaat qulit Inuillu marluk pilersinneqassapput. Qimarnguimmilu ingerlatsinissamut naalagaaffik aamma aningaasaliilluni.

Ministerip CBC Newsimut oqarnera naapertorlugu aningaasat tunniunneqartut ajornartoorfiup nalaani iluaqutaassapput.

Aningaasani taakkunannga 5 millionit koruunit indianerit Inuillu suiaaqatinoortartuinut tapiissutigineqassallutik.