Cairn kisimiilluni aappaagu qillerissanngilaq
Soorlu uuliamik ujarlerneq iluatsitsiviunngitsumik sapaatit akunneranni kingullermi unimmat oqaatigimisaareeraat, maanna oqaatigineqarpoq, uuliasiortitseqatigiiffik kisimiilluni Nunatta eqqaani aappaagu qillieriartortitsissanngitsoq.
- Siunissami qillerinissani aningaasartuutit kisitta nammakkusunngilagut, suleqatissarsioriarlutali avitseqatigiissinnaanissamut periusissanik ujarlerusulluta, Cairnip psioratqarfiani ilaasortaq David Nisbet Radioavisenimut erseqissarpaa.
Piginneqatigiiffiup uuliasiorluni qillerisivissuisa marluk, uulliamik gassimilluunniit aalajangrnissamut tungaviususinnaasunik nassaaratillu, Nunatta imartaa sapaatit akunneranii kingullermi qimappaat,
Tassalu ukiuni marlunni kingullerni 5 milliardit missarluinnaat atoreerlugit, Cairn Energymiit maanna erseqqissaapput, uuliamik ujarneqrneq kisimiillutik ingerlateqqinniarnagu.
- Maani Kalaallit Nunaanni uuliamik ujarlernissamut aningaasat aalajangersimasut atussallugit pilersaarutiginikuurput, killiffissarpullu maanna tikipparput. Aamma aallaqqaammut oqarpugut, qillerinernut qulinut 1 milliard dollarit missaanniitut atussallugit, maannalu qillerinernut arfineq pingasunut milliardit missaat atoreerpagut.
Alloriarneq siulleq naammassereerparput, sulilu upperaarput, aallutarput ullut arlaanni iluatsikkumaartoq. Kisianni maanna qularnaarusupparput, Kalaallit Nunaata kitaata avataani uuliamik gassimillu siunissami ujaasinissatsinni suleqateqarnissarput, Cairn Energymeersoq David Nisbeth oqarpoq.
Tassuma aamma ilisimatitsissutigaa, Cairn Eniergymiit piginneqatigiiffiit nunani tamalaaneersut, suli atunngisaminnik ujarlernissamut akuersissutillit maanna oqaloqatigsaqattaarneqartut. Kisianni tassa aappaagu qanoq pisoqassanersoq suli oqaatigineqarsinnaanngilaq.
- Pasissutissarpassuit, ukiuni kingullerni katersavut, misissoqqaassavagut. Taava taakkua tunngavilugit aalajangissaagut. Kalaallit Nunaanni suli qillererusuppugut, kisianni apeqqutaavoq, tamanna qaqugu pissanersoq, David Nisbeth oqarpoq.
Skotlandimiullu piginneqatigiiffianniit ersersinneqarpoq paasilluarsinnaagamikku, uuliamik ujarlerneq ukiuni tulliuttuni ilumut ingerlaqqissanersoq, nunatsinni suliffiutilinnut apeqqutaaqimmat. Tassalu neriorsuipput, siunissami - mannineq oqarnerattut - ungasippallaanngitsumi erseqqissumik nalunaaruteqarumaarlutik
