Cairn Energy-p akuerineqarnini nuannaarutigaa

Kalaallit Nunaata kitaani misiliilluni uuliamik qillerinissanut siullernut Cairn Energy Naalakkersuisunit ippassaq akuersissummik tunineqarpoq. Cairn Energy-p ilimagaa, ajutoornermi sillimanissamut piumasaqaatit sakkortuut malikkamikkit Naalakkersuisut qularunnaarsissimagitik.
juunip 16-at 2010 11:02

Cairn Enrgyp akunerineqarnini nuannaarutigaa.

- Kalaallit Nunaata Naalakkersuisuinit Cairn Energy nalunaarfigineqarpoq, Qeqertarsuup kitaani misiliilluni uuliamik qillerinissanut marlunnut akuerineqarluni.

Kalaallit Nunaanni oqartussat sillimanissamut piumasaqaataasa malinnerannut Cairn Energyp suleqataasalu akuerineqarnerannut pissutaaqataasoq oqarsinnaavugut, Cairn Energy allappoq.

Qajannaatsumik pilersaarusiorsimaneq Naalakkersuisut akuersinerannut ilapertuutaasimasoq Cairn Energy aamma allappoq.

Ukiut pingasut matuma siorna Cairn Energy Kalaallit Nunaanni uuliasiornissamut soqutiginninnera aallartippoq. Ukiut taakku ingerlaneranni imartaq 72.000 kvadratkilometeri misissorsimavaat.

Cairn Energy neriorsuivoq, uuliamik qillerinerminni kalaallit ilinniartinniarlugit, siunissami periarfissaqalerniassammata qillerivinni sulisarsinnaanermut. Cairn Energy aamma neriorsuivoq sullissisussat kalaallit suleqatiginiarlugit, assersuutigalugu Air Greenland, Royal Arctic allallu.

Cairn Energy 18 million koruuninik aningaasaliillutik, Kalaallit Nunaanni avatangiisinik misissuinerit tapersersorniarlugit aamma nalunaarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq