Cairn Energy nunatsinnut soqutiginnilluarpoq

Kalaallit Nunaatta Sinniisoqarfia Københavnimiittoq, ullumi nunat allat aallarteqarfiinut paasissutissiimmat soqutigineqarluarpoq. Cairn Energyp pisortaa, soqutigineqarluartumik tusagassiortunik katersortitsinermini oqalugiarpoq, oqalugiaatigaa Diskop eqqaani uuliamik misissuinerup kinguneqarsimanera.
Allattoq Rune Langhoff
januaarip 07-at 2011 17:11

- Uuliamik misissuinermi pingaaruteqartarpoq paasissutaasinnaasunik ujarlernermik. Nassaarisavut tamaasa, misissoqqissaartarpagut, Discop eqqaani nassaata paasinarsitippaa uuliamik nassaarsinnaanissarpoq neriunaatissaqarluartoq. Nassaarinikuuagummi olia gassilu, taamaammat neriuutissaqarluarluta misigaagut, Simon Thomson oqarpoq.

Aasaq pinngortitamik illersuineqatigiit Greenpeacekkut, uuliamik ujarlernermi ajoqusersuisimanerat pillugu, Cairn Energyp Greenpeacekkut oqaloqatigisinnaanissaanik aalajangiussaqannginnerarput, Kalaallit Nunaannilu Naalakkersuisunut suliassaq ingerlateqqillugu.

- Uagut Cairn Energymiit suliarisinnaasarput tassaavoq, sillimaniarnerup pitsaanerulernissaa. Nuannaarutigeqaarput, politikkikkut attuumassuteqanngitsunik akerliussutsimik takutitsisut kalaallit oqartussaannit qisuariarfigineqarnerat, Simon Thomson oqarpoq.

Cairn Energyp oqaatigisinnaannginnerarpaa, aasaq uulia nassaartik qanoq nammineq akilersinnaatsiginersoq.

- Nalunngilarput aasaq ujarlerfigisimasarput oliaqarlunilu gasseqartoq, naluarpulli qanoq annertugisumik oliaqarlunilu gasseqarnersoq. Uagut suliassaraarput, tamanna paasiniassallugu, Simon Thomson.

Cairn Energyp naalagaa aperigatsinni, tunup avannaani 2012-imi 2013-imilu uuliasiorsinnaannissamik soqutiginnissinnaassanersut qungujuinnarpoq.

- Unammillertigisagut iluaqutissinnianngikkaluarlugit, oqarsinnaavunga Kalaallit Nunaat assut soqutigigatsigu, sumiiffilinngikkaluarlugu Simon Thomson naggasiivoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq