Cairn Energy annertuumik ajornartorsiorpoq

Skotlandimiut uuliasiornermut ingerlatsiviat annertuumik amigartooruteqarmat, Nunatsinni qillerinissat unitsinneqarallarput.
Allattoq Elisa Isaksen
apriilip 22-at 2014 06:48

Ukiumoortumik naatsorsuutimini 7,8 milliardit koruuninik amigartooruteqarpoq. Taakkua siornamit 5,6 milliardit koruuninik amerlanerusut, nittartakkami Shippingwatch.dk-mi tamanna allaaserineqarpoq.

Taama pitsaanngitsumik angusaqarneranut patsisaapput, uuliamik ujaasilluni kukkusumik qillerinerit aamma pigisanik nalilinnik nalikilliliinerit kiisalu tunisinermut atatillugu Indiami oqartussanik eqqartuussivitsigut suliarineqartoq, Cairn Energyp naatsorsuutimigut iluaqutaasinnaasutut isisgisaralua.

Cairn Energyp Nunatta eqqaani uuliamik ujaasilluni qillerinerminut milliardit koruunit sinnillit atoreerpai, tamakkuli maannamut nassaarnermik kinguneqanngillat.

Nunatsinni ukiormanna uuliasiorluni qillerisoqassagunanngilaq

Uuliasiortitseqatigiit allat Nunatta eqqaani qillerinissamut aamma akuersissutaatillit, aasamut qillerinissaminnik pilersaaruteqanngillat. Taamaattumik ujaasilluni qillerinissat tulliuttut siusinnerpaamik 2015-imi pisinnaassapput. 

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk