Cairn aningaasannarujussuarpoq

Vedanta Resources, Cairn Indiap pingajorarterutingajaa pisiaralugu 22 milliardit koruuninik akiliivoq, Cairn India nunanitsiinnit iluatitsilluarnerusimavoq, Nunatsinnimi uuliamik gassimillu suli nassaartoqanngilaq.

Kalaallit Nunaanni uuliaqarneranik misissuinerminnut maannamut 5 milliarder koruunit atoreersimavaat, sulilu uuliamik nassaaratik. Cairn Energyp ippassaanikkunni erseqqissaatigaa Nunatsinni uuliaqarneranik misissuinertik ingerlateqqissanagu, uuliasiortitseqatigiiffiit nunatsinni uuliasiornissaminnut akuersissutillit, suli akuersissutiminnik atuilinngitsut arlaat suleqatigiinnissamut isumaqatigiissuteqarfigitinnagu.

Cairn Energy aningaasanik - nunatsinni atorsimasami sisamariaataattut amerlatigisunik - maanna isertitaqarpoq. Aningaasalli amerlanerpaartaat aningaasaliisimasunut, ukiup ingerlanerani piginneqataassutimik nalinginik nalikilliartortoqarneranit nalaataqarsimasunut ingerlateqqissavaat.

Cairnip Indiami uuliasiornera nunami uuliasiornerni ukiuni qulikkaani kingullerni marlunni annerpaavoq.