Café kalaallit naapittarfigissavaat

Kalaallit Sjællandimi najugaqartut Næstvedimi sisamanngorneri tamaasa naapittarfeqalerput.
Café sisamanngornerit tamaasa nal. 12-16 ammassassaaq. Frivilligcenter Næstvedimi, Farimagsvej 22, Næstved Stationip eqqannguani. Assi © : Google Street View
Allattoq Inge S. Rasmussen
februaarip 25-at 2016 04:28
Nutserisoq Simon Uldum -

Københavnimi Kalaallit Illuutaata suliniuteqarneratigut café attaveqaqatigiittarfimmik taasaq marsip pingajuani ammarneqassaaq.

Cafémi naapittarfeqalerneq Kalaallit Sjællandip kujataani qeqqanilu najugaqartut attaveqaqatigiinnerulernissaannik siunertaqarpoq. Aammattaaq isumaginninnermi siunnersorti Københavnimi Kalaallit Illuutaanneersoq cafemiittassaaq.

- Kalaallit Sjællandimiittut tamaasa saaffiginissaat neqeroorutigisattalu Københavimiinnaq ingerlanneqannginnissaat pingaartipparput. Taamaammat Næstvedimi cafémik attaveqaqatigiittarfimmik pilersitsinissaq angorusussimaqaarput, Københavimi Kalaallit Illuutaanni isumaginninnermi siunnersorti Dora Kleist, cafemut attaveqaqatigiittarfimmut akisussaasuusoq taama oqarpoq.

Café attaveqaqatigiittarfik misiliutitut 2016-imi juulip naanerata tungaanut ingerlanneqaqqaassaaq.

Café sisamanngornerit tamaasa ullup qeqqanit sisamat tungaanut ammassassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq