Broberg angisuunik suliassaqarpoq
Partii Naleqqameersoq Pele Broberg aningaasaqarnermut, sulisoqarnermut akileraarutinut akitsuutinullu naalakkersuisussatut innersuunneqarpoq.
Tassalu nunatta aningaasaqarnerata nappanneqarsinnaasuunissaa taassuma isumaginiartussaavaa taavalu naalakkersuisoqatigiinnissamut isumaqatigiissummi neriorsuutit piviusunngortinniarneqalerpata aningaasassaqartinnissaat qulakkeerniassallugu.
Tassalu nunatta aningaasaqarnerata nappanneqarsinnaasuunissaa taassuma isumaginiartussaavaa taavalu naalakkersuisoqatigiinnissamut isumaqatigiissummi neriorsuutit piviusunngortinniarneqalerpata aningaasassaqartinnissaat qulakkeerniassallugu.
AAMMA ATUARUK Naalakkersuisuni arlallit tupaallaataapput
Pele Broberg Partii Naleqqameersuuvoq, politikkimilu nutaraalluinnarluni.
Aningaasaqarnermut naalakkersuisussatut innersuunneqarnini tulluusimaarutigeqalugu, KNR-imut oqarpoq:
- Soorunami tanngassimaarnaqaaq naalakkersuisut siulittaasuannit aperineqarluni naalakkersuisoorusunnersunga.
Aningaasaqarnerup nappanneqarsinaajunaariartornera neriorsuutillu
Pele Broberg ukiuni tulliuttuni suliassarpassuaqarpoq. Tassami utoqqaat amerliartorput aningaasaqarnermullu siunnersuisoqatigiit naapertorlugit aningaasartuutit isertitanit amerlanerujartussapput, tassa aningaasaqarnerup nappanneqarsinnaajunnaariartornera.
Taava aamma naalakkersuisoqatigiilernermi isumaqatigiissummi aningaasartuutissat amerlasuut missingersuummi inissaqartinniartussaavai:
Soorlu sulinermut ilanngaat, tunngaviusumik utoqqalinersiuteqarnissaq, innarluutillit pillugit inatsisip inaarsarnissaanut, oqartussaaffiillu nunatsinnut nuunneqartussat, qanoq aningaasalersorneqarnissat suliassaasa ilagaat.
AAMMA ATUARUK Naalakkersuisut nutaat takukkit
Unammilligassali tamakkua qanoq iluarsiniassanerlugitoqassalluni siusippallaaraa.
- Aatsaat innersuunneqarpunga, naalakkersuisutut suli ivertinneqanngilanga - taanna marlunngorpat aatsaat pissagami. Taamaammat suniarnitsinnik qanorlu massakkut akisaqarsinnaangilanga.
Sulilernissaminulli piareersimanini erseqqissaatigaa:
- Tulluusimaarlunga akisussaaffik taanna piareersimaffigivara, ivertinneqassaguma.
AAMMA ATUARUK Inuusuttoq sulinissaminut piareersimavoq
