Britta Nielsen: Aningaasanik nuussuinissannut ussernartorsiorsimavunga
Britta Nielsenip peqqusserluttarsimanini pillugu Københavns Byretimi ataasinngornermi ullaakkut siullerpaamik killisiorneqarpoq.
- Aningaasaqarninnut ikiuutaasussamik aningaasanik nuussuinissannut ussernartorsiorsimavunga, Britta Nielsen nipikitsumik taama oqarpoq nangillunilu:
Akiligassaqarsimavunga akilersinnaanngisannik - aamma akiliisinnaanngissuseqarnera pissutigalugu Ribersimi nalunaarsorfimmiillunga, Britta oqaluttuarpoq.
AAMMA ATUARUK Britta Nielsenip aningaasanik nuussisarsimanini nassuerutigigaa
Brittap uigigaluarnilu Hvidovremi 1986-imi illu pisiaraat - tassanngaanniillu ajornartorsiuteqalerlutik, Brittallu uia 2005-imi toqukkut qimangulluni.
Britta Nielsenip aamma oqaluttuaraa, piffissami tassani pingasunik qitornaqalereerlutik, isumaginninnermut aqutsisoqarfimmit aningaasanik siullerpaamik aningaasanik nuussisimalluni.
Aningaasanillu nuussisarsimanini taamanikkut eqqaamaqqissaanngilai aamma aningaasat qanoq amerlatigisut nuuttarsimallugit eqqaamannginnerarpai.
Britta Nielsenip oqaluttuaraa, peqquserlussimanini siullerpaamik 1997-imi pisoq ilaquttaminut isertuunniarsimallugu. Aningaaserivimmi Danske Bankimi kontomik isertortumik pilersitsivoq naak uinilu Nordea-mi bankeqaraluarlutik.
Brittalli uiata aningaaserivimmit allakkat atuareerlugillu paasivaa nuliani peqquserlulluni aningaasanik nuussuisarsimasoq.
- Oqaluttuuppara susimanerlunga, uimmalu kamalluni peqquaanga aningaasat piaarnerpaamik utertissagikka, neriorsorparalu utertinniarlugit qanorli utertissanerlugit nalugakku aningaasat utertinngilakka, postboksimilli ammaavunga kisima iserfigisinnaasannik, Britta Nielsen oqarpoq.
AAMMA ATUARUK Peqquserluttuliorsimasutut pasisaq Britta Nielsen tigummigallagassanngortinneqarpoq.
Britta Nielsenip uia 2005-imi toquvoq tamannali sioqqullugu 10 milliuunit koruuninik peqquserloreersimavoq. Tamatumalu kingorna aningaasanik peqquserlunnera annertuseriaannarluni.
Immikkut unnerluussisussaatitaasup, Kia Reumertip paasiumavaa - Brittap uiata taamanikkulli malugisimannginneraa.
- Piffissami nalaani nappaalasoqarnera pissutigalugu aningaasaqarneq annerusumik
malunnarnerpaasimanngilaq, ataataga kræfteqarpoq, anaanagalu tarnimigut napparsimalluni arlaleriarlunilu uninngasarsimalluni.
Brittalli aningaasanik peqquserluttanera annertuisiartuinnavissimavoq pinngitsuuisinnaajunnaarlunilu.
AAMMA ATUARUK Peqquserlussimasutut pasisaq Sydafrikami tigusarineqartoq
- Aningaasat uannut atortalerpakka, meeraallunga pisinnaasimanngisakka takorloortakkakkalu pisarisalerpakka, Britta Nielsen oqarpoq.
Eqqartuussineq Britta Nielsenimut ataasinngornermi ulloq naallugu killisiuinissaq pilersaarutaavoq, qaquguli pineqaatissiisoqassanersoq suli ilisimaneqanngilaq.
/ritzau/
