Breivik aappaagu aatsaat eqqartuunneqassaaq
Norgemi naalagaaffiup eqqartuussissuserisuata ullumi nalunaarutigaa, peqqarniisaartutut tigummigallarneqartup Anders Behring Breivik-ip unnerluutigineqarnissaa, ukiut nikinneranni aatsaat piareerneqarsinnaassasoq.
Allattoq Elisa Isaksen
Tamatuma kinguneranik Breivik-ip eqqartuussivimmut sassartinneqarnissaa aatsaat ukiumi nutaami pisinnaassaaq.
Tamatumunnga ilaatigut pissutaavoq, toqutsinerit toqutseriarnerillu tamarluinnaasa politiit misissortussaammatigik. Tassami naalagaaffiup eqqartuussissuserisuata oqarnera naapertorlugu - Breivik toqutaasut tamarluinnaasa pillugit unnerluutigineqartussaammat, Danmarkip Radiua taama paasissutissiivoq.