Aningaasanut inatsit amerlanerussuteqarluartut peqataaffigaat
Aningaasanut inatsimmut isumaqatigiissut inatsisartuni partiit arfineq marluusut taakkunannga tallimat isumaqatigiissutertik tallimanngornermi saqqummiuppaat.
Aningaasaqarnermut Naalakkersuisoqarfiup ataatsimiittarfiani tallimanngornermi ullup qeqqata siorna inuppassuit tusagassiortunik katersortitsinermi najuupput.
Partii tallimaasut sinniisuutai tassalu Siumut, Atassut, Nunatat Qitornai, Demokraatit aamma Inuit Ataqatigiit aappaagumut inatsisissaatut siunnersuutip atsiorneqarnissannut katersuupput.
Aningaasaqarnermut Naalakkersuisup Vittus Qujaukitsup (NQ) aningaasanut inatsimmi isumaqatigiissutigineqartut pingaarnersai saqqummiuppai, aamma kisitsisit pingaaruteqarnerit.
Tassani takuneqarsinnaavoq aappaagumut missingersuummi 7,2 million kr-nik sinneqartooruteqassasoq, taavalu ukiuni sisamani tulliuttuni 21,2 million kr-nik sinneqartooruteqassasoq.
Isumaqatigiissutigineqartumi partiit tallimaasut isumaqatigiillutik oqarput, pisortani allaffissornerup ukiuni tulliuttuni annikillisaaffigineqassasut. Pisortani kiffartuussineq pisariillisarneqassaaq.
Pisariillisaanerit sipaaruteqarnerillu ukiuni sisamani 320 millio kr
Tamanna erseqqinnerusumik oqaatigalugu, Namminersorlutik Oqartussat kommunenut ataatsimut tapiissutigisartagaat 2020-mi sipaarutigineqassasut partiit oqarput, kiisalu Namminersorlutik Oqartussat allaffeqarnerat ingerlanneqarnerallu.
Pisortani sullissinermi pisariillisaanermi sipaaruteqarnermilu ukiuni tulliuttuni sisamani 320 million kr-nit sipaarutigineqassapput.
Tamanna innutaasut kiffartuunneqarnerisa ajornerulerneranik kinguneqassanersoq Aningaasaqarnermut Naalakkersuisumut Vittus Qujaukitsumut apeqqutigaarput
- Piumasaraarput innuttaasut kiffartuunneqarnerannut eqquinerluuteqassanngitsoq, kisiannili ingerlatsinikkut aningaasartuutit , kiisalu pisiortortarneq, taakkua qanoq ililluni pisariillisarneqarnissaat salliutinneqartariaqarput, Vittus Qujaukitsoq oqarpoq.
Aningaasanut inatsimmi sinneqartoorutit, oqartussaaffiit danskit naalagaaffiannit oqartussaaffigineqartut kingusinnerusukkut Kalaallit Nunaannut nuunneqarnissaannut qulakkeerinnittuussapput.
Pisortani allaffissornikkut sipaaruteqarnissap saniatigut, Aalisarnermut Ataatsimiititaliarsuarmut to million kr-nik immikkoortinneqarput, taanna Naalakkersuisoqatigiit Demokraatinit ikorfartorteqateqaleramik isumaqatigiissutigaat.
Isumaginninnikkut suliniutinut 43 million kr
Isumaginninnikut suliniutini, aningaasaqarnermut isumaqatigiissuteqarnermi ukiuni tulliuttuni sisamani 43 million kr-nit immikkoortinneqarput.
Utoqqaat Oqaaseqartartuanik ukioq 2020-mi pilersitsinissamut immikkoortitsisoqarpoq.
Innarluutillit Oqaaseqartartuannut aningaasaliissutit 1 million kr-nik qaffanneqarput.
Isumaginninnikut suliniutini, aningaasaqarnermut isumaqatigiissuteqarnermi ukiuni tulliuttuni sisamani 43 million kr-nit immikkoortinneqarput.
Utoqqaat Oqaaseqartartuanik ukioq 2020-mi pilersitsinissamut immikkoortitsisoqarpoq.
Innarluutillit Oqaaseqartartuannut aningaasaliissutit 1 million kr-nik qaffanneqarput.
Aningaasanut Inatsit 2019-mut atuuttusaq pillugu isumaqatigiissut uani takuneqarsinnaavoq. her
Aningaasanut inatsit pillugu isumaqatigiissut, Siumut, Atassut, Nunatta Qitornai, Inuit Ataqatigiit aamma Demokraatit isumaqatigiissutaasa aningaasatigut kingunerisassai uani atuarneqarsinnaapput.
Tunngavik: 2019-imut aningaasanut inatsisissamut isumaqatigiissut
