Brasiliamiut præsidenterisimasaat ukiup affaani USA-miinnissamut qinnuteqartoq

Jair Bolsonaro qaammatini arfinilinni takornariatut USA-miissinnaanissamut qinnuteqarpoq. Præsidentiusimasoq kiffaanngissuteqarniartoq eqqartuussissuserisua oqarpoq.
Brasiliami præsidentiusimasoq ukiuni sisamani præsidentioreerluni oktoberip qaammataani præsidentimut qinersisoqarmat ajorsarpoq. Præsidentimut qinigaanera ukiup nikinnerani atorunnaarpoq, ullullu marluk sioqqullugit amerikami naalagaaffimmut Floridaliarpoq. Assi © : Ueslei Marcelino/Reuters/Ritzau Scanpix
Allattoq Ritzau
januaarip 31-at 2023 11:27
Nutserisoq Jaaku Lyberth

Brasiliami præsidentiusimasoq Jair Bolsonaro takornariatut USA-miissinnaanermut visumimik qinnuteqarpoq. Bolsonarop eqqartuussissuserisua Felipe Alexandre taama paasissutissiivoq.

Brasiliami præsidentiusimasoq ukiuni sisamani præsidentioreerluni oktoberip qaammataani præsidentimut qinersisoqarmat ajorsarpoq. Præsidentimut qinigaanera ukiup nikinnerani atorunnaarpoq, ullullu marluk sioqqullugit amerikami naalagaaffimmut Floridaliarpoq.

Taassuma ukiup affaanik sivisutigisumik takornariatut USA-miissinnaanissamut qinnuteqaataat tallimanngormat tunniukkaa. taassuma eqqartuussissuserisuata ataasinngormat oqaatigaa.

Bolsonarop qinnuteqaatimi suliarineqarnerani USA-miiginnarnissani takorloorpaa.

Præsidentiusimasup USA-miinnera oqallisaangaatsiarpoq præsidentitut atorfik tunniunneqarmat.

Bolsonaro kingoraartimi Luiz Inacio Lula da Silvap atuuffimmut ivertinneqarnerani USA-mukarnini pissutigalugu najuutinngilaq.

Brasiliami inatsisartut ataatsimiittarfiat, præsidentip allaffia kiisalu brasialiami eqqartuussiviit qullersaat Bolsonaromut tapersersuisunit qinersinermik iluarisimaarutiginninngitsunit tiguarneqarput.

AAMMA ATUARUK Bolsonaromut illersuisut Brasiliap kongressianut isaasut

Bolsonaromut illersortaasut oqarnerat naapertolugu qinersineq pissusissamisuunngilaq, aamma Bolsonarop isumaqatissarsiortuisa naammagittaalliutaat suliarineqaraluarlutik qinersineq pillugu eqqartuussivimmit itigartitsissutigineqarpoq.

Bolsonarop illorsuarnik pingasunik tiguaasoqarnissaa Floridamit peqqussutigaa. Brasiliamiut eqqartuussiviisa qullersaata Bolsonaro saassussinernut kaammattuisimanersoq misissorneqarnissaa akuersissutigaa.

Tamatuma kingorna USA-mi Kongressimi ilaasortat ikinnerussuteqartut Bolsonaro USA-miissinnaanermut visummianik arsaarneqassasoq præsidentimut Joe Bidenimut piumasaraat.

Brasialiami præsidentiusimasoq eqqissisimatinneqalaaqqaarnissaminik aallaqqaammut kissaateqartoq, Felipe Alexandre oqarpoq.

- Bolsonaro tulliuttumik iliuuseqarnissaminik aalajangiitinnani kiffaanngissuseqalaarusoq, eqqarsaatersuuteqaranilu USA-mi qaammatialunni takornariaarusuppoq, Alexandre Reutersimut mailikkut allappoq.

- Qaammatit arfinillit atussanerai taassumalu pilersaarutaasa ineriartorneranni periusissiat suut isumaqatigiissutiginerigut taassuma aalajangissavaa.

Amerikamiut nunanut allanut tunngasunut ministereqarfiat visa-mut qinnuteqaatit isertuunneqartumik suliarineqartarnerat pissutigalugu.

/ritzau/Reuters