Bolsonaromut illersuisut Brasiliap kongressianut isaasut

Akerliuniat Brasiliap kongressianut, præsidentip illorsuanut eqqartuussiviillu qullersaannut ippassaq sapaammi isaapput. Taakkunannga 400-nit ikinnerunngitsut politiinit tigusaapput.
Akerliuiniat Brasiliami illoqarfiit pingaarnersaanni, Brasiliami, illoqannginnersami, Esplanada dos Ministeriosimi katersuupput. Assi © : Evaristo Sa/AFP/Ritzau Scanpix
Sakkutuut isumannaallisaaniartui Brasiliami oqartussaasoqarfinnut isaallutik akerliuniarpassuarnit sapilersitaalersimagaluarput. Assi © : Stringer/Reuters/Ritzau Scanpix
Allattoq Helle Nørrelund Sørensen, Ritzau
januaarip 09-at 2023 08:37
Nutserisoq Else Olsvig

USA-mi siornaak 2021-mi præsidentimut qinigaaqqinngitsoortup Trumpip illersorterpassui Washingtonimi kongressip illorsua isaaffigaat, tamatumalu asseqqinnaavanik Amerika kujallermi naalagaaffiit ilaanni Brasiliami præsidentiusimasoq Bolsonaro qinigaaqqinngitsooreersorlu, illersorterpassuisa Brasiliap kongressia, præsidentip illorsua eqqartuussiviillu qullersaat ippassaq isaaffigaat.

Brasiliami præsidentinngortoq Lula Da Silva inuppassuit eqqissiviilliornerisa nalaanni illoqarfissuarmi Sao Paulomiippoq.

Akerliuniat ikinnerpaamik 400-t politiinit tigusarineqarsimasut Brasiliami guvernøri Rocha ilisimatitsivoq.

AAMMA ATUARUK Bolsonaro eqqartuussiviit qullersaanni eqqartuussisumut: Qaangiuppoq

Politiillu akerliuniarlutik aqqusinerni angalaartunik suli tigusarinnittartut amerikamiut nutaarsiassaqartitsiviat CNN allaaserisaqarpoq.

Brasiliami oktobarimi præsidentissamik qinersisoqarmat taamani præsidentiusoq Jair Bolsonaro Luiz Lula Da Silavamut ajorsarpoq. Bolsonarollu qinersinerup inernera suli akuerinngilaa.

Brasiliamili eqqissiviilliortut Bolsonarop assuarai kongressip præsidentillu illorsuinut isaasoqarnissaanik inatsisimannginnerarluni.

Præsidetimut qinigaasoq Lula Da Silva oqarpoq akerliussutsimik takutitsinerit naakkittaatsuliornerusut.

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq