Bolsonaro eqqartuussiviit qullersaanni eqqartuussisumut: Qaangiuppoq

Qaangiuppoq, siumut isigaluta ingerlaqqinniarta. Brasiliami præsidentiujunnaartussanngortoq taama oqarsimasoq, eqqartuussiviit qullersaanni eqqartuussisoq Luiz Edson Fachin oqarpoq.
Maanna præsidentiusup, konservatiivineersup, tapersersortaasa akornanni amerlasuut qinersinermi inernerit akuersaarumanngilaat. Lastbiilinik ingerlatsisut allallu Brasiliami illoqarfinni amerlasuuni aqquserngit assersorpaat. Assi © : Anderson Coelho/AFP/Ritzau Scanpix
Allattoq Ritzau
novembarip 03-at 2022 08:08
Nutserisoq Mads Lynge

Brasiliap maanna præsidentiata Jair Bolsonarop pissaaneq unammillertiminut 77-inik ukiulimmut Lula da Silvamut tunniutissallugu piareersimafffigaa. Bolsonaro nammineq taama oqarpoq.

Brasiliami eqqartuussiviit qullersaanni eqqartuussisoq Luiz Edson Fachin taama oqarpoq.

- Qaangiuppoq. Siumut isigaluta ingerlaqqinniarta, Bolsonaro, eqqartuussiviit qullersaanni eqqartuussisoq ataatsimeeqatigalugu oqartoq, Rio de Janeiromi tusagassiorfiit assigiinngitsut videoliarisimasaanni takuneqarsinnaavoq, nutaarsiassaqartitsivik AP allappoq.

Bolsonarop Brasiliami præsidentimut qanittukkut qinersinermi inernerit akueriumanngikkai Brasiliami ernummatigineqarsimavoq.

AAMMA ATUARUK Brasiliami præsidentimut qinersineq: Lula Bolsonaromut ajugaaqqartoq

Præsidentimummi qinersisoqarnissaanut atatillugu elektronikkip Brasiliami atorneqartussaanera, Bolsonarop qinersisoqarnissaanut qaammatialunnguit sioqqullugit apeqqusersimavaa.

Maanna præsidentiusup, konservatiivineersup, tapersersortaasa akornanni amerlasuut qinersinermi inernerit akuersaarumanngilaat. Lastbiilinik ingerlatsisut allallu Brasiliami illoqarfinni amerlasuuni aqquserngit assersorpaat. Illoqarfiup Paranaguap umiarsualivia ippassaq marlunngornermi assersortuarsinnarpaat. Illoqarfik Paranagua Brasiliami nunaatillit avammut tunisassiornerannut pingaarutilerujussuuvoq.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk