Brasiliami præsidentimut qinersineq: Lula Bolsonaromut ajugaaqqartoq

Præsidenti Bolsonaro Brasiliami præsidentimut qinersinermi siuaqqasimagaluarpoq, Lulali ajugaaqqarluni.
Lula da Silva 50,9 procentinit taaguunneqarpoq, Bolsonarolu 49,1 procentinit taaguunneqarluni. Assi © : Nelson Almeida/AFP/Ritzau Scanpix
Allattoq Ritzau
oktobarip 31-at 2022 09:03
Nutserisoq Mads Lynge

Brasiliami præsidentiusimasoq, Luiz Inacio Lula da Silva, Brasiliami præsidentimut sapaammi qinersisoqarmat, maanna præsidentimut Jair Bolsonaromut ajugaavoq.

Lula da Silva 50,9 procentinit taaguunneqarpoq, Bolsonarolu 49,1 procentinit taaguunneqarluni.

Qinersinerup inernera pissanganarluinnartuusoq, Brasiliami qinersiviit matusimatsiaannartut paasinarsivoq.

AAMMA ATUARUK Lula Brasiliami præsidentimut qinersinermi siullermi ajugaasoq

Taasinernik kisitsineq naammassineqapallappoq, elektronikkimi atorlugu Brasiliami qinersisoqarmat.

Qinersinermi peqquserluttuliortoqartoq, Lula da Silvap Bolsonarollu pasilliutigaat.

Elektronikki atorlugu qinersisoqarsinnaanerata tatiginassusaa, Bolsonarop qaammatini kingullerni apeqqusersimavaa, qinersinermilu inernerit akuerissanerlugit aamma apeqqusersimallugit.

Qinersinerli ataqqiniarlugu tallimanngormat oqaatigaa.

Aamma atuaruk