Lula Brasiliami præsidentimut qinersinermi siullermi ajugaasoq

Lula Brasiliami præsidentimut qinersinermi siullermi ajugaaqqarpoq. Bolsonarolli aappassaaneerluni qinersinermi ajugaanissaa ilimanartoq, naalagaaffiit pissusiinik ilisimatusartoq naliliivoq.
Qinersinermi kisitsisit aallaavigalugit, qinersinerup immmikkoortuata aappaata ingerlanneqarnissaa aalajangiunneqarpoq. Tamannalu pissaaq oktoberip ulluisa 30-anni, tassa sapaatit akunneri sisamat qaangiuppata qinersisoqassaaq. Assi © : Miguel Schincariol/AFP/Ritzau Scanpix
Allattoq Ritzau
oktobarip 03-at 2022 08:53
Nutserisoq Jaaku Lyberth

Brasiliami præsidentimut qinersineq aappassaaneerneqartariaqartussanngorpoq, qinersinermi siullermi qinigassanngortittut 50 procent sinnerlugit qinerneqarsimanngimmata.

Brasiliami qinersinermi oqartussaasut sapaammi taama nalunaaruteqarput.

Qinersisartut 99 procentiisa taasineri kisinneqarneranni saamerliuniat qinigassanngortitaat Luiz Inácio Lula da Silva qinersisartut 48,3 procentiannit qinerneqarpoq.

AAMMA ATUARUK Brasiliap præsidenterisimasaata Lulap eqqartuussaanera atorunnaartoq

Talerperliuniat qinigassanngortitaat Jair Bolsonaro qinersisartut 43,3 procentiannit qinerneqarpoq.

Qinersinermi kisitsisit aallaavigalugit, qinersinerup immmikkoortuata aappaata ingerlanneqarnissaa aalajangiunneqarpoq. Tamannalu pissaaq oktoberip ulluisa 30-anni, tassa sapaatit akunneri sisamat qaangiuppata qinersisoqassaaq.

Brasiliami præsidentimut qinersisarnerni qinersinermi siullermi qinersisartut affaat sinnerlugit qinigaasoqarpoq ukiut 24-t matuma siorna.

Maanna qinigassanngortittut Lula aamma Bolsonaro taakkualu illersortaasa neriuutigaat qinigaanissartik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq