Brasiliami præsidentiusimasoq peqquserluttuliortutut pasineqartoq
Brasiliami præsidentiusimasoq Luiz Inacio Lula da Silva peqquserluttuliortoqarneranut pingaarutilimmik inisissimasimasutut pasineqarpoq.
Allattoq Ritzau
marsip 04-at 2016 15:21
Nutserisoq Jaaku Lyberth
Præsidentiusimasoq politiinit tigummigallarneqarpoq annertuumik peqquserluttuliorsimanermut atatillugu killisiorneqassammat.
Brasiliami tusagassiorfiit arlaqartut taama allaaserisaqarput.
Politiit isumaqarput præsidentiusimasoq uuliasiortitsivimmit naalagaaffiup pigisaannit peqquserluttumik aningaasanik pisimasoq.
Anigaasat takkua præsidentiusimasup partiianut ingerlateqqinneqarsimasut politiit isumaqarput, ilaatigut qineqqusaartoqarnerani aningaasartuutinut atorneqarsimasunik.
Politiit oqarnerat naapertorlugu uppernarsaatinik ujaasinerit 33-it suliarineqarsimapput inuillu aqqanillit tigusarineqarlutik.
/RITZAU/
