Californiami ikuallannerit siaruaaterujussuartut
USA-mi naalagaaffiit inuttunersaanni Californiami orpippassuit ikuallattuarsinnarput, nuna 8000 kvadratkilometeritut annertutigisoq maannamut ikuallassimavoq.
Californiami qatserisartut taama ilisimatitsisut, BBC allappoq.
Nuna aatsaat taama annertutigisoq ikuallappoq, tassami Sjællanditut Lollanditullu annertutigisumi orpippassuit ikuallapput.
AAMMA ATUARUK Californiami orpippassuit ikuallannerat annertunerulerlutik ikuallarujussuartitsilersut
Ullumilu kiappallaarunnaariartortussatut ilisimasaaruteqartoqaraluartoq anorlernera pissutaalluni ikuallannerit siaruaannerunissaat suli ernummatigineqarpoq.
Qatserisartut 14.000-nit amerlanerusut ikuallannernik California tamakkerlugu qamiteriniarsarisut, Californiami qatserisartut nalunaarput.
Inuit mannamut arfineq-pingasut orpippassuit sapaatit akunnerini pingasuni ikuallanneranni ajunaarsimapput, illullu 3300-t missaat ikuallassimallutik.