Californiami orpippassuit ikuallannerat annertunerulerlutik ikuallarujussuartitsilersut
Californiami orpippassuit ikuallannerat sukkasuumik siaruaakkiartorput, qatserisartullu malinnaasinnaajunnaangajalerput.
San Franciscop kangerliumarngani inuit 10.000-likkaat angerlarsimaffitsik qimattariaqarsimavaat, illoqarfiit San Francisco, San Jose Oaklandilu kangerliumanermi tassani inissisimapput.
Ukiut qulikkaat marluk kingulliit ingerlaneranni aatsaat taama sakkortutigisumik kallertoqarnerani orpippassuit ikuallalerput.
11.000-nit amerlanerusunik kallerpoq, ikuallannerillu 370-init amerlanerusut aallartillutik, amerlasuullu sul qaminneqanngillat.
AAMMA ATUARUK Californiami inuit tusintilikkuutaat orpippassuit ikuallanneranni qimaasariaqarsimasut
Ikuallannerit annertussutsimikkut ullualunnguit ingerlaneranni marloriaatinngorsimapput, nuna 53.000 hektaritut annertutigisoq, tassa 530 kvadratkilometeritut annertutigisoq maannamut ikuallassimavoq.
Inuit marluk ikuallannerni maannamut ajunaarsimapput, ikinnerpaamillu sisamat uutitersimallutik.
Naqitsinertuffik Californiamit kangimut inoqajuitsumi kiatsitsingaatsiarpoq.
California 1900-kkut aallartinneraniilli ataatsimut isigalugu kiannerungaatsialersimavoq, kiannerulerneralu pissutaalluni orpippassuit ikuallakulanerulerlutillu sakkortunerusumik ikuallattalersimallutik.
