Bougainvillemi namminersulernissamut amerlanerussuteqarluartut taasisut

Manerassuup qeqertaa Bougainville amerlanerussuteqarluartunik Papua Ny Guineamiit namminersulernissamut taasipput.
Bougainville 207.000-it missaannik inoqarpoq, taannalu nunarsuarmi naalagaaffiup nutaraanersanngorsinnaavaat. Toqqorsivimmit assi Assi © : Jeremy Weate / Flickr
Allattoq Ritzau
decembarip 12-at 2019 15:15

Tamanna inuit taasisinneqarneranit kisitsisit takutikkaat, Reuters allappoq.

Qeqertarmi najugallit 98 procentii namminersulerusullutik taasipput.

Bougainville 207.000-it missaannik inoqarpoq, taannalu nunarsuarmi naalagaaffiup nutaraanersanngorsinnaavaat.

Manerassuarmi qeqertaq Salomonip qeqertaasa kangianit 640 kilometerinik ungasitsigaaq, kisianni qeqertaq Papua Ny Guineamut atassuteqarpoq, taannalu 1200 kilometerinik ungasissuseqarpoq.

Sakkuaakkunnaarnissamik isumaqatigiissummi 2001-imeersumi taasisitsinissaq tunngaviulluinnarpoq, taamani naalagaaffiup iluani sorsunneq aasunneqisoq ukiunik 10-nik sivisunerusumi inuillu 20.000 sinnerlugit inuunerinik akeqartoq unitsinneqarmat.

Manerassuarmi qeqertaq kobbereqarluarlunilu kuulteqarluartuuvoq, kisianni nunat allamiut qeqertami piiaaffeqarnerisa manna tikillugit nunaqavissunut annerusumik iluanaarfiunngilaq.